Најави за акции кои следат

17 Март – Зимско на Јелачки Црн Врв

Со цел унапредување на соработката помеѓу Клубовите, П.К. Јелак од Тетово и ЗПСК Макпетрол од Скопје, организираат заедничка планинарска акција на еден од најубавите предели на Шар Планина, Јелачки Црн Врв. Јелачки Црн Врв за Шара со своите „само“ 1.890 мнв, овозможува неверојатна глетка на околните врвови. Преку долината на Пена се погледот паѓа на магичното трио Кобилица, Шилиџе и Вртоп, како и врвовите Кучибаба и Плоча и под нив Орлоец и Дупнат Камењ. Позади вас е горостасниот Плат и Среден Камен кој ѕирка позади него, а од другата страна се Казани, Бакардан и Титов Врв, а пред вас во процеп помеѓу врвовите ѕирка мал дел од Полошката котлина, така да иако не си многу високо, се чувствуваш како да си на врвот на светот. Сега нешто околу самата стаза, стазата е рекреативна и спаѓа во редот на лесни стази. Се тргнува од пред планинарскиот дом Смрека и ниско се заобиколува Церипашнина, така да се избегнува искачувањето до антената. Се движиме по земјен пат, за потоа да пресечеме преку ливада и да навлеземе во борова шума која потоа се менува во листопадна, па во мешана и пак во борова. Скоро цело време се движиме низ борова или мешовита шума од каде од време на време излегува низ некој процеп преклрасна гледка на другата страна на кањонот на реката Пена. По патот има доста изворчиња. Проблем може да биде тоа што поголемиот дел од изворчињата сега би биле покриени со снег, ама сепак има доволно вода и тоа чиста планинска. Стазата е благо слегување кон видиковецот и потоа кон ловечката чека, која е делот од каде што билото Јелак се... read more

25 – 27 април 2019 БОТЕВ ВРВ 2376м.

По  повод 10  години  од  основањето  поканети  сме  од ПСК Балкан од Белград  да  земеме  учество  во  одбележувањето  на тој  јубилеј  со искачување  на  највисокиот  врв  на  Балкан планина  (Стара планина). П Р О Г Р А М А : 25 април 2019 (четврток)  –  Во 21:00 часот поаѓање од жел.станица – паркинг пред Пошта 2. Ноќно возење со попатни паузи. 26 април 2019 (петок) –  Пристигање во Калофер околу 6 часот. Спојување со групата од Белград и поаѓање од месноста Паниците кон планинарскиот дом РАЈ на 1430м.н.в. Должина на патеката – околу 10км, пешачење  околу 4,5 часа. Сместување во повеќекреветни  соби (со 5,7,10 кревети).  После  краток  одмор  доколку се погодни  временските  услови  може  да  се  продолжи искачувањето  до  Ботев  врв  2376м.  Пешачењето  до  врвот  е  2,5 – 3 часа.  Веднаш  позади  хижата  е  водопадот  РАЈСКО  ПРСКАЛО –  висок  124 метри.  Враќање  во  хижа  Рај. Во хижата може да се добие  храна. Ноќевање. 27 април 2019 (сабота)  –  Рано наутро  искачување  на Ботев  врв  доколку  тоа  не  е  направено  претходниот  ден.  Враќање  во  хижата  и  спуштање  во  Калофер  од  каде  заминуваме  кон  Скопје. Доколку  искачувањето  е  направено  претходниот  ден  ќе  имаме  време  за  посета  на  градчето – музеј  Копривштица.  Линк: https://www.youtube.com/watch?v=_f6ShTQhr3Q ДОКОЛКУ  НЕКОЈ  САКА   МОЖЕ  ДА  ЈА  ПРОДОЛЖИ  ТУРАТА  СО  ПЛАНИНАРИТЕ  ОД  ПСК  БАЛКАН  ДО  ПОНЕДЕЛНИК !  Линк: http://pkbalkan.org/10-vrhova-balkana-za-10-godina-balkana-25-do-29-4-2019/        ПОТРЕБНА  ОПРЕМА  –  планинарска  зимска  опрема , пл. кондури, дерези,  гамашни,  кабаница  за  дожд,  шише  со  1,5л  вода,  храна  од  ранец  при  искачувањето. ПОТРЕБНИ  ДОКУМЕНТИ  –  пасош, планинарска  книшка  со  маркица  за  2019 година,  патничко  осигурување. ТРОШОК  –  60 – 70 евра ( за превоз  и  ноќевање,  зависно  од  големина ... read more

15 – 17 март 2019 М И Џ О Р 2169м.

Ова е тренинг-акција за искачување на Атлас, Дамаванд, Алпи… Миџор е највисок врв во Србија -2169м. Се наоѓа на Стара Планина, на границата меѓу Србија и Бугарија. 15 март 2019 (петок) – Во 14ч. поаѓање од жел.станица – паркинг пред Пошта 2. – возење Скопје – Ниш – Сврљиг – Кална – Мездреја. – сместување во објект “Конак” во Мездреја (убав, среден, пристоен објект). – вечера, ноќевање. 16 март 2019 (сабота) –  Рано наутро станување и доручек. – превоз до планинарски дом Бабин зуб на 1580м.н.в.  – од планинарскиот дом пешачење према Жаркова чука и потоа над Бачилото  се излегува на граничниот гребен по кој се продолжува до врвот Миџор. Краток одмор и потоа враќање до пл. дом. – враќање во Мездреја, вечера – ноќевање. 17 март 2019 (недела) – Доручек и потоа превоз до ски – центарот Бабин зуб. – искачување на стеновитиот врв Бабин зуб 1780м.н.в. – враќање во Мездреја, земање на стварите и заминување кон Сврљиг – фотографирање кај водопадот “Бигор” – по желба ручек во ресторан “Kамионџије” во Сврљиг (извонредна скара). – враќање преку Ниш за Скопје. Оваа акција е со средна тежина. Се совладува околу 600м висинска разлика. Должина на патеката 15 км во двата правци, околу  6 часа пешачење. Ски-центарот Бабин зуб дава можност и за скијање. ПОТРЕБНИ ДОКУМЕНТИ:  лична карта или пасош, планинарска книшка со маркица за 2019 година, патничко осигурување. ПОТРЕБНА ОПРЕМА:  топла зимска облека, капа, ракавици, гамашни, кабаница, дерези, штеки, цепин. ТРОШКОВИ:  60 евра (за превоз и два полупансиона). НАПОМЕНА:  секој учесник учествува на сопствена одговорност. Сите учесници се должни да ги почитуваат наредбите и советите на водачите. Водачот може... read more

Извештаи од изминати акции

Родители и деца во епизодата: На буквата, на буквата – О

Родители и деца во епизодата: На буквата, на буквата – О

Кога Обмислениот ден ќе помине Одлично во Опкружување кон кое стремиме со оваа иницијатива, тешко е да се Опише со зборови… Охрабрени родители (десетина на број), Одважни на минусните температури Одоговорија на нашата акција. За најголемиот број деца Ова беше прво зимско календарско искачување на некој врв, што не прави Особено горди. Облечени во соодветна Облека и Опрема за овие временски услови, со високи Обувки, по сончевата патека од с.Горно Соње до Крстовар се Ориентиравме со помош на компас, и Ознаките на дрвата (планинарски маркации) а повремено направивме и по некој Одмор. Учевме како да се Однесуваме кон луѓето што ќе ги сретнеме и Околината Околу нас. На врвот, во планинарскиот дом “Даре Џамбаз” со чашка топло чајче после подолг Одмор, Окрепнати тргнавме назад кон с.Горно Соње по истата патека од каде и што дојдовме. Голема благодарност до екипата од МРТВ која го Овековечи изминатиот ден. Планинарски поздрав до следната... read more
Пескови (2651 мнв.) 16.02.2019

Пескови (2651 мнв.) 16.02.2019

  Пескови (2651 мнв.) е највисокиот врв на потегот Титов Врв-Љуботен. Од македонска страна недостапен во зимски услови, дури и во летни ретко кој го качува поради големата оддалеченост до најблиското село. Затоа, од пред неколку години дојдовме на идеја врвовите на Шар Планина да почнеме да ги искачуваме и од косовска страна. До тогаш немаше споделени искуства, па моравме сами да си ги цртаме патеките во Google Earth и со помош на GPS да се движиме по непознатиот терен. Како за промена, ни се виде многу интересно, нови перспективи, искуства… И така, еден по еден: Љуботен по северниот гребен, Куќинагледски Врх од Брезовица, Езерски од под Превала, Јажиначко Езеро, Пескови од Превала, Црни Врх од Превала, сега за сега толку ама ќе продолжиме понатаму во блиска иднина. Пескови, највисокиот, најатрактивниот и воедно најдостапниот многу често го качуваме, во сите метеоролошки услови и годишни времиња. Неговата поставеност и достапност, го прави, да можете да се „дрзнете“ да отидете во било кое време. Оддалечен е само 5.5 км од Превала, излетничкото место во Косово каде ги оставаме колите и каде на враќање ја правиме задолжителната рехидрација со по едно/две печки пива, а има и убави ќебапи. Гребенот на Велика Планина е максимално безбеден за движење (лавински безопасен). По некоја логика со најмалку снег и погодно за движење во зимски услови. Така барем било до сега. Имавме убава временска прогноза. Се одлучивме да одиме до Езерски преку Пескови, што е тоа за нас рековме, 15-16 км со 1650 висинска разлика. Веќе сум го одел во летни услови, зошто не и сега ( сé јаки момци и најспремната девојка). Дури и тајмингот... read more
Куќинагледски Врх 2521 мнв.

Куќинагледски Врх 2521 мнв.

Пирибег, Пири Брег или Кучиногледски Врв. Како и да е, се мисли на оној врв со 2521 мнв. за кој најчесто се тргнува од с. Беловиште, поминувате 10 км. и скоро 2000 м. висинска разлика за да стигнете до него. Името е секогаш различно, ама врвот кога и да отидете е секогаш истиот, препознатлив по старата жичарница, металните контејнери и предаватели кои се надвор од функција од времето на „бивша“ Југославија, но, на нам планинарите и тоа како корисни, особено во зимски услови кога уморни и премрзнаати ќе пристигнеме на врвот, да имаме каде да се скриеме, да земеме душа, да јадеме… Врвот, како и да се вика, а се вика Куќинагледски Врх според официјалната топографска карта на РМ издадена од Катастар, линк: http://gis.katastar.gov.mk/arec/, на која пак за мене сосема неразбирливо, го нема нашиот највисок врв Голем Кораб. За некои примамлив, предизвикувачки, убав… за други досаден, напорен.   Како и да е, тој ден на зборното место на паркингот пред рибникот на крајот од с. Беловиште се собравме 28 планинари од неколку градови од Македонија (Скопје, Куманово, Струга) и некаде околу 7 часот се упативме по колскиот пат. Го следевме неколку километри, до пред излезот од шумскиот појас. Потоа по наместа маркирана планинарска патека, повеќе по сеќавање и по GPS, излеговме од шумата, ја искачивме Слабица (1753 м.), потоа го фативме сртот по видлива зимска маркација, преку Грабор до под Ливадички Врв, па скршнавме лево (западно) и по сртот до Куќинагледски. Пири Брег не дочека како и секогаш, со силен и смрзнувачки ветер. Тука тројца се откажаа и се вратија по истата патека назад. На врвот излеговме 25 планинари... read more