Најави за акции кои следат

20-21 јули. Висински камп и искачување на Митикас-Олимп

Опис на акцијата: Сабота: Поаѓање од месноста Горција, искачување на Платото на музите по северниот гребен преку Петроструга. Ноќевање на Платото на музите на 2700 мнв. во шатори или во дом (по желба). Недела: Искачување на Митикас 2918 мнв. Враќање во Скопје во вечерните часови Стартна точка на искачувањето: Горција, 1100 мнв. Опис на патеката: се тргнува од Горција по маркирана патека која води низ шумски појас. Попатно нема извори со вода. Вода може да се купи во домот Петроструга на половина пат на околу 6 км. на 1900 мнв. Од тука вегетацијата се проретчува и наскоро се излегува на оголен каменит терен се до Платото на музите. Искачувањето на Митикас е техничко, (ќе се користи техничка опрема) Тежина: должина 12 км. во една насока, висинска разлика околу 2100 м. Ова е напорна дводневна планинарска тура и за истата е потребна одлична психофизичка подготовка и не е предвидена за планинари почетници. Задолжителна опрема: појас, кацига, прусик, 2 карабинери, 1 гуртна 120 см. Храна: од ранец, потребно е да се носи најмалку 2 литри вода. Време на поаѓање од Скопје: 00:00 ч. Водачи: Петар Герасимов 070330765, Ели Елии. Превоз: Организиран, цена  1500 ден. Пријавување и плаќање најдоцна до 17 јули (среда), бројот е ограничен   Напомена: Учесниците во акцијата се должни да ги почитуваат насоките на водачите. Во спротивно самите се одговорни за несаканите последици. учесниците на акцијата мораат да бидат членови на некој планинарски клуб при ФПСМ Водачите имаат право да исклучат учесник/-ци на акцијата на почеток или во текот на акцијата доколку не ја поседуваат соодветната планинарска опрема и не ги почитуваат препораките на водачите. Водачите го задржуваат... read more

1 – 4 АВГУСТ 2019 – ПЛАНИНАРЕЊЕ И КАЊОНИНГ НИЗ ЦРНА ГОРА

1 август 2019, четврток 23:00 – поаѓање од Скопје кон Црна Гора. Сместување во Жабљак. 2 август 2019, петок 10:00 – Кањонинг, Кањон Невидио (времетраење 4 часа). 3 август 2019, сабота 07:00 – Искачување на Боботов Кук (2.522 м.). Должина на патеката: 15 км. Стартна точка: седло (1907 м.) На неколку стрмни секции при искачувањето има поставено сајли за полесен пристап каде што е потребна употреба на планинарска техничка опрема Висинска разлика: 700 м. D+ Времетраење на акцијата: 8 ч. Неопходна опрема: планинарски чизми, планинарски стапчиња, шлем, појас, сет за ферата  (сопствена или клупска опрема) Напорна акција 4 август 2019, недела 07:00 – искачување на Мали Меѓед (2.223 м.) и на Велики Меѓед (2.287 м). Должина на патеката: 13 км. Стартна точка: Развршје (1.550 м.). На неколку стрмни секции при искачувањето има поставено сајли за полесен пристап каде што е потребна употреба на планинарска техничка опрема. Висинска разлика: 700 м. D+ Времетраење на акцијата: 6 ч. Неопходна опрема: планинарски чизми, планинарски стапчиња, шлем, појас, сет за ферата  (сопствена или клупска опрема) Напорна акција 15:00 – Поаѓање кон Скопје.   Опрема: Планинарски чизми, планинарски стапчиња. Појас, шлем, сет за ферата (ваша или клупска опрема) Облека соодветна на времето. Костим за капење, постари патики за кањонингот Напомени: Акцијата е предвидена за искусни планинари и за почетници. Сите учесници на акцијата треба да се во добра психофизичка и здравствена состојба. Во случај на неповолни временски услови акцијата навреме ќе биде откажана. Учесниците во акцијата се должни да ги почитуваат насоките на водичите. Во спротивно самите се одговорни за несаканите последици. Водичите имаат право да исклучат учесник/-ци на почеток или во текот на акцијата доколку... read more

19 – 21 ЈУЛИ 2019 – КАРАНФИЛИ И ОЧЊАК, ПОПАДИЈА, ТАЛИЈАНКА, ВАЛУШНИЦА, ПРОКЛЕТИЈЕ, ЦРНА ГОРА

19 јули, петок 16:00 – поаѓање од Скопје кон Црна Гора. Сместување во еко – катун, долина Гребаја. 20 јули, сабота Група 1 05:30 – Искачување на Северен врв (2.460 м.) на Каранфили и на Очњак (2.185 м.). Кружна патека во должина од 20 км. Стартна точка: еко катун Гребаја. Прво се искачува Северен Врв (2.460 м.) на Каранфили, а потоа преку камениот отвор Врата се преминува во друга долина од каде што се искачува врвот Очњак (2.185 м.). И на Северен Врв и на Очњак се поставени сајли кои овозможуваат полесен пристап, но со задолжителна употреба на планинарска техничка опрема. Висинска разлика: D+2.100 м. Времетраење на акцијата: 12 ч. Задолжителна опрема: Планинарски чизми, планинарски стапчиња, шлем, појас, сет за ферата, помошно јаже со должина од 80 см. /дебелина 4 мм  (сопствена или клупска опрема) Многу напорна акција Детали од поранешна акција на Северен Врв и Очњак, на линкот: https://www.psdmakpetrol.mk/?p=4470 Водич: Горан НИКОЛОСКИ Група 2 07:00 – Искачување на врвовите Талијанка (1.947 м.), Попадија (2.014 м.) и Валушница (1.740 м.) Кружна патека во должина од 10,2км. Стартна точка: еко катун Гребаја. Висинска разлика: D+ 1.075 м. Времетраење на акцијата: 5 ч. Задолжителна опрема: Планинарски чизми, планинарски стапчиња, Лесна акција Водич: Катица Ацевска 21 јули, недела Група 1 Прошетка по долината Грбаја Водич: Катица Ацевска Група 2 07:00 – Искачување на врвовите Талијанка (1.947 м.), Попадија (2.014 м.) и Валушница (1.740 м.) Кружна патека во должина од 10,2км. Стартна точка: еко катун Гребаја. Висинска разлика: D+ 1.075 м. Времетраење на акцијата: 5 ч. Задолжителна опрема: Планинарски чизми, планинарски стапчиња, Лесна акција Водич: Горан Николоски 14:00 – Поаѓање кон Скопје Опрема за... read more

Извештаи од изминати акции

И З В Е Ш Т А Ј  од акцијата  Т А Р А  –  М А Г Л И Ќ  2019

И З В Е Ш Т А Ј од акцијата Т А Р А – М А Г Л И Ќ 2019

Реката Тара представува гранична линија меѓу Црна Гора и Република Српска. Тоа е извонредно убава река и околна природа со моќен воден потенцијал и едно големо средиште на адреналински спорт – рафтинг. А непосредно над неа се издига висоравнината Вучево која продолжува во еден извонредно убав планински врв Маглиќ 2386м и исто така извонредно убаво Трновачко езеро под врвот. И оваа година во група од 9 планинари престојувавме во кампот 3 воденици покрај реката Тара. Временскиот период беше така одбран да има прилично голем водостај на реката а истовремено надворешната температура да биде над 20 степени. Поаѓањето од Скопје беше според планот во 22 часот на 23 мај 2019г. Брзо ја поминавме македонско – косовската граница и после Качаник се вклучивме на новиот автопат кон Липљан и потоа до Призрен. После Призрен ја поминавме и заедничката косовско – албанска граница и направивме мала пауза. Низ Скадар поминавме во раните утрински часови а пред Подгорица бевме пред зори. Ја сочекавме зората на една бензинска пумпа и потоа се упативме до водопадот наречен Нијагара. Овој водопад е необичен и многу многу атрактивен! Направивме многу фотографии. Потоа влеговме во Подгорица и застанавме пред прекрасниот соборен храм посветен на Христовото воскресение. За жал беше многу рано и после фотографирањето пред храмот продолживме со патувањето до манастирот Острог. Во црквените простории во манастирот беше во тек богослужба и моравме да сочекаме таа да заврши за да влеземе во малата просторија во која се наоѓаат моштите на Свети Василиј Острошки и да се поклониме пред него. Следно запирање ни беше во Пивскиот манастир кој е случај за себе: заради изградбата на хидроцентралата на Пивското езеро... read more
Вртешка

Вртешка

Традиционално за свадби во англиски говорни подрачја низ светот се искористува една рима. “Something old, something new, something borrowed, something blue, a sixpence in your shoe” што во превод би дошло, “Нешто старо, нешто ново, нешто позајмено, нешто сино, и паричка во кондурата”. Верувањето е дека невестата треба да ги вклучи сите овие во гардеробата или да ги носи со себе на денот на венчавката за среќа и благосостојба. Нешто старо претставува континуитет, продолжување на традиција. Нешто ново симболизира оптимизам за иднината. Нешто позајмено е за среќата што ја позајмуваме, а нешто сино стои за чистота, љубов и верност. Во саботата, на 01ви јуни, не бевме на свадба, туку на Плачковица, два часа источно оддалечена од Скопје. Со група од 25тина родители и деца се вртевме околу домот Вртешка, позајмивме фотографии околу фурните и земуниците на напуштеното старо истоимено село, разбудивме ново тивко ехо, наше или на Плачковица којзнае, направивме нов нефункционален мост, одличен за во кратката биографија на идните градежници во групица, имавме стара гардероба за преслекување оти мокри при проба на мостот, појдовме по стара полумаркирана неодржана патека за да се вратиме до домот Вртешка и да јадеме планинарски грав. Имавме нешто старо, имавме нешто ново, имавме нешто позајмено и нешто сино, освен небото, кое за среќа во дождливава сезона, остана чисто, верно и полно љубов. А паричката прашувате? Камчињата во патичињата се важат? До следната епизода најдраги наши, планинарски старо-нов, позајмен и син поздрав! Ирена... read more
Карбула

Карбула

Во Македонија, па и пошироко, има многу населби со име Селце. Името Сенце што го носи преубавото горнореканско селце, сместено покрај Горни и Долни Сенечки Карпи над најтесниот дел од клисурата на реката Радика, кај некои од учесниците на акцијата за искачување на врвот Карбула предизвика мала забуна. Најверојатно мислеа дека се работи за ненамерна печатна грешка при објавата на акцијата и претпоставуваа дека кон Карбула ќе се тргне од малореканското село Селце, што ќе беше секако преголем потфат во услови кога на местото одредено за почеток на пешачењето шеснаесетчлената група пристигна во 10.15. Како и да е, Сенце е селце во вистинска смисла на зборот – мало, одвоено од цивилизацијата, неприметливо кога се патува од Маврови Анови кон Дебар, дури и малку воочливо на мапа. До пред неколку години немаше ниту асфалтен пат, што не ги спречуваше мештаните редовно да си ги посетуваат и обновуваат родните куќи, да се грижат за црквата и да започнат обновување на џамијата. Сенце за момент стана познато како место во чија близина за прв пат беше заловен примерок на реткиот балкански рис за строго научни цели во 2010 година. Впрочем делови од потесниот реон на Сенце имаат големо природно значење поради различни причини како од апсект на фауната така и од гледна точка на флората и тие се прогласени за строго заштитени зони во НП Маврово. Поради овие причини, а и поради тоа што се бараше појдовна точка алтернативна на Галичник, Маврово или Болетин, ПСК Макпетрол реши да ја реализира акцијата за искачување на Карбула преку Сенце. Она што најмногу треба да се внимава кога му се пристапува на врвот во пролетниот... read more