Архива од сите најави за акции

13 мај 2019г. Собрание на ЗПСК Макпетрол

Се свикува седница на Собранието на ЗПСК Макпетрол, која ќе се одржи на ден 13.05.2019 година, во седиштето на Клубот во зградата на Машински факултет – Скопје, во 18:00 часот, со следниот:                                              ДНЕВЕН РЕД   Процедурален дел 1.1      Донесување одлука за Избор на Претседавач на Собранието на Клубот; 1.2     Утврдување на бројот на присутни членови и изготвување список на истите; 1.3     Определување бројач на гласови и записничар;   Работен дел 1.4      Донесување одлука за изменување и дополнување на Статутот на Клубот; 1.5      Донесување одлука за усвојување на годишниот финансиски извештај на Клубот за 2018 година; 1.6      Донесување одлука за усвојување на годишниот извештај за работењето на Клубот за 2018 година; 1.7      Донесување одлука за разрешување на членови на Извршен одбор на Клубот; 1.8      Донесување одлука за именување на членови на Извршен одбор на Клубот; 1.9      Донесување одлука за разрешување на Претседателот на Клубот; 1.10      Донесување одлука за именување на Претседател на Клубот; 1.11   Донесување одлука за именување на членови на Надзорен одбор на Клубот; 1.12   Разно Ги покануваме сите наши членови со маркица за 2019 година да присуствуваат на Собранието....

Карбула (од Сенце)

Еднодневна, средно-тешка акција на 21.4.2019 (недела), на вториот по височина врв на планината Бистра – Карбула (2151 м.н.в.), од каде што се протега најубавиот поглед на кањонот на Радика. За разлика од многупати претходно кога ПСК Макпетрол организираше акции кон Карбула поаѓајќи од Галичник, Маврово или од Болетин, овојпат почетната точка ќе биде прекрасното село Сенце (1100-1200 м.н.в.). Движењето ќе започне по прекрасна патека, но потоа во зависност од простирањето на снегот на места ќе мора да се скршне од неа. Доколку има уште време на располагање може да се посети и врвот Меденица и/или уште 4 други врвови во близина, повисоки од 2000 м.н.в. За подетални информации за овие предели можете да се информирате овде. Тргнување од Скопје во 8.00 на бенизнската пумпа Макпетрол на западниот излез. Ќе може да се договори и попатно собирање на учесниците.   ПОТСЕТУВАЊЕ ЗА: – облека – соодветна за движење во пролетни услови, но со снег во голем дел од планираното движење, променливо време и влажен терен; – вода – добро е да се понесе барем 1 литар вода; – цена – 500 денари.   ПРИЈАВУВАЊЕ: Велимир Граоркоски  veljogr@yahoo.com (пријавените учесници ќе бидат контактирани најдоцна еден ден пред поаѓањето) НАПОМЕНА: – секој учесник е должен да ги почитува правилата и насоките на водачите, во спротивно сам е одговорен за несаканите последици; – движењето се одвива во група предводена од организаторот и водачите; – водачите имаат право да исклучат учесник уште пред стартот на планинарската акција доколку не ги исполнува наведените услови и не ја поседува соодветната планинарска опрема за предвидената планинарска акција; – водачите имаат право да исклучат учесник од групата поради...

21.04.2019 Доброшки и Езерски Врв

ДОБРОШКИ И ЕЗЕРСКИ ВРВ ЗПСК МАКПЕТРОЛ на ден 21.04.2019 Недела организира еднодневна планинарска акција на Шар Планина со искачување на Доброшки и Езерски врв. ОПИС НА АКЦИЈАТА: Акцијата е предвидено да трае 8-10 часа и категоризирана е како тешка, поради совладување на голема висинска разлика и конфигурација на теренот(движење по срт), како и сложени временски услови (присуство на нов снег). ОПИС НА ПАТЕКАТА: Појдовната точка е предвидена да биде од с. Јелошник на 890мнв. патеката води низ шумски предел по колски пат се до бачилото на 1490мнв од каде се излегува на гол планински предел (доста стрмен) и по срт се искачуваме до Доброшки врв 2352мнв. На врвот е предвиден мал одмор и оттаму патеката по срт се спушта кон Доброшки езера на 2300мнв од каде по стрмна патека се искачува на Езерски врв 2591мнв. По кратка пауза за фотографирање се враќаме по истата патека до појдовната точка. Поаѓање од бензинска пумпа Макпетрол на излез од Скопје во 6:00 часот, превозот е со сопствени возила. Враќање од акцијата е предвидено во попладневните часови. НАПОМЕНА: за оваа акција учесниците треба да бидат во одлична психофизичка форма и подготвени за долга тура во зимски услови. ПОТРЕБНА ОПРЕМА: – високи разгазени планинарски чизми и гамашни – облека препорачана за зимски услови и облекување по слоеви – ракавици и капа – планинарски стапчиња за првиот дел од патеката – цепин – дерези ВОДА И ХРАНА: – задолжително 2 литри вода – храна секој сам си носи по избор – јатки или енергетски барчиња Водичи на акцијата: – Христифор Саракинов 071 333 263 (лице за контакт) – Елена Петковска – Тодор Ивановски НАПОМЕНА: –...
20 април 2019, Убавините на кањон Матка

20 април 2019, Убавините на кањон Матка

ЗДРУЖЕНИЕ ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ Ве Поканува на еднодневна лесна планинарска акција: Убавините на кањон Матка Опис на акцијата: Св. Богородица – Св. Спас – Св. Богородица Должина на патеката: 6 km Висинска разлика: 340 m Стартна точка на искачувањето: Св. Богородица (на влез во кањонот Матка) 300 мнв Опис на патеката: Поаѓаме од паркингот пред манастирот Св. Богородица, на влез од кањонот Матка, пред куќичките со кајаците. На почеток се движиме по широк пат кој минува меѓу ниски грмушки со понекоја ливатка. Потоа се движиме низ шумска патека речиси по изохипса, до преубав видиковец. Понатаму патеката се движи по блага стрмнина до излегувањето на широк колски пат по кој продолжуваме до манастирот Св. Спас на 640 мнв. Тука правиме едночасовна пауза во широкиот манастирски двор. По паузата се враќаме назад по истата патека. Напор: Патеката е лесна, со брзина прилагодена на способноста на учесниците Времетраење на акцијата (вкупно): 4-5 часа Опрема (задолжителна / препорачана): • Ранче • Планинарски чевли или обувки со солиден грип • Облека соодветна на временските услови Простирка, ќебенце или подметач   Храна: Од ранец. Вода 1л Тргнување од: Акцијата започнува во 10:00 часот од кајакарскиот мост на Матка. До тука сообраќа автобус на ЈСП со број 60, кој поаѓа од Транспортен центар. На страната на ЈСП може да се провери возниот ред по станици Планинарски водичи: Јовица Апостоловски, Христифор Саракинов Цена: – Пријавување: најдоцна до ( 19.04.2019, петок ) Лица за контакт: Јовица Апостоловски 070 864 555, Христифор Саракинов 071 333 263 Напомени: • Во случај на неповолни временски услови акцијата навреме ќе биде откажана • Учесниците во акцијата се должни да ги...

14 април 2019 БЕЛОВИШКИ ВОДОПАД

Три водопади на Беловишка Река извираат од утробата на Пирибег, претпоследниот врв на долгата Шар Планина во нејзиниот западен дел. Пенливите води ги формираат трите водопади – Горна Скала, Долна Скала и Петачко Водиче. Третиот и најнискиот водопад локалното население го нарекува уште и Враживир. Планинарите се први кои пред 15 години почнаа да ја освојуваат оваа област и веќе обележаа патека, поставувајќи белези по дрвата од десната страна на Беловишка Река. Мештаните велат дека целиот тој простор, до врвовите на Шара е богат со дивеч – мечки, лисици, волци, дивокози, срни, но и со вистински ендемични растенија. Тие три водопади упатените тврдат дека се втори по должина на Балканот.  Петочко Водиче е на дофат на Беловиште, на само еден километар над селото и до него води оформен поплочен пат. Враживир не е само водопад, каде што по карпестиот дел водата прави скок од приближно петнаесет метри, туку локалитет кој се повеќе личи на туристичка месност. Патот води покрај селската црква „Св. Богородица“ и за возила завршува на пристапот, каде што посетителот го пречекува оформен простор со уреден базен, црковна трпезарија. Беловишка Река се преминува преку пешачко железно мовче кое води до две цркви „Св. Петка“ и „Св. Јован Крстител“. Сиот овој дел кој зафаќа простор од околу пет хектари го нарекуваат Петочко Водиче. Овде од корените на дрвјата излегуваат многу извори, но еден е не толку голем и насочен кон црквата „Св. Петка“, а велат дека бил лековит, особено за очи. Со децении доаѓале луѓе од многу места што имале проблеми со видот, а жители на Беловиште ќе речат дека „многумина се излекувале“. За овој извор се поврзува и...

30-31.03.2019 Солунска Галава и извори на Бабуна

ПРОГРАМА Опис на акцијата: 30 март, сабота – 08 ч. Поаѓање од с. Нежилово. За околу 2 часа пристигнуваме во Чеплес каде ги оставаме ранците и по краток одмор тргнуваме накај водопадот и изворите на Бабуна. Назад во домот би биле најдоцна до 16 часот.   31 март, недела 05 ч. тргнување од Чеплес во правец на Солунска Глава по зимска маркација. Враќање во Чеплес, мал одмор и симнување во с. Нежилово.   Технички податоци: Нежилово-Чеплес 4.5 км. / 735 м. висинска разлика Чеплес – Извори – Чеплес 11 км. / 830 м. висинска разлика Чеплес – Солунска – Чеплес, по зимска, 14 км. / 1350 м. висинска разлика. Тежина: Ова е многу тешка планинарска тура и за истата е потребна одлична психофизичка подготовка и не е предвидена за планинари почетници. Некаде од 1600-1700 мнв. ќе има снег, значи половина од патот ќе биде под снег и движењето ќе биде многу споро и напорно.  Опрема: Планинарски чевли за зимски услови, планинарски стапчиња, дерези, цепин, топла повеќеслојна облека прилагодена на временските услови, очила за сонце, крема за лице со висок УВ фактор, челна лампа, полн мобилен телефон и компас. Храна: од ранец, потребно е да се носи најмалку 2 литри вода (по зимската патека нема извори со вода). Превоз: во сопствена режија. Водачи: Елена Петковска 078 332 486 или во inbox (Eli Elii) Петар Герасимов 070 330 765 Напомена: Учесниците во акцијата се должни да ги почитуваат насоките на водачите. Во спротивно самите се одговорни за несаканите последици. Водачите имаат право да исклучат учесник/-ци на акцијата на почеток или во текот на акцијата доколку не ја поседуваат соодветната планинарска опрема...

23-24 март, технички тренинг за Алпи

Тренингот се организира првенствено за учесниците на двете Акции што ќе се изведат јули-август 2019. Секој заинтересиран без разлика дали е учесник на овие акции може да присуствува на тренингот и да се запознае со техниките на движење по глечер.   ПРОГРАМА 23 март, сабота Време: 10 ч. Локација: градски парк, симулација на самоизвлекување од глечерска пукнатина, симулација на извлекување на пропаднат во глечерска пукнатина.   24 март, недела Време: 6ч. поаѓање од бензиската на Макпетрол во Ѓорче Петров превоз: сопствен Ќе се вежба: движење во наврска, падови со цепин, правење сидришта, извлекување на пропаднат во глечерска пукнатина на Антени (симулација). Опрема: појас, кацига, дерези, цепин, 3  карабинери со матица, 2 карабинери без матица, 2 гуртни 120 см., прусик, прусик за нозе (јаже од 3.5 м. дебелина 6 мм.). кој нема комплет опрема ке се послужи од клупската опрема. Водач: Петар Герасимов 070 330 765 Елена Петковска Христифор Саракинов Кревасите на Монте Роса самоизвлекување од глецерска пукнатина сопирање на пролизгување во наврска движење во наврска изработка на...
24 Март – 8ки на Шишевски

24 Март – 8ки на Шишевски

ЗДРУЖЕНИЕ ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ Ве Поканува на планинарска акција – Родители и Деца Вплетени 8ки, мали 8ки и тинејџери 8ки во епизодата: 8ки на Шишевски Опис на акцијата: Си беа еднаш две осумки. Една голема и една мала 8ка. Одеа во исто општинско училиште за јажиња, гуртни и карабинери. Само во различни одделенија. Големата 8ка не сакаше да се врзува за малата. Дури и кога иста смена во училиште избегнуваше да биде видена со малата 8ка иако заедно доаѓаа од дома до училиштето. Пред да влезат во школскиот двор се групираа со гуртните 90ки и големите HMS карабинери кои исто така ги избегнуваа нивните помали браќа, сестри и другарчиња, 60ки гуртни и овални карабинери. Големи се. Тинејџери. Знаат да се врзат во бродски и булинов јазол, како од шега. Послабичките од генерација додека трепнеш во прусик, додека маливе сеуште едвај продолжителен прават. Па како да не се прават важни? Затоа на оваа акција, драги јазли, гуртни и карабинери, поголеми и помали заедно со нивните родители, вплетените 8ки, гуртни 120ки и D карабинери, заедно ќе учиме опрема за качување, ќе водиме помали од нас по планинарска патека, ќе се забавуваме и ќе останеме скромни и полни поддршка за оние што знаат или можат помалку од нас. На релација кајакарски мост (Матка) – Св. Никола Шишевски – кајакарски мост (Матка). Должина на патеката: 4,6 km. Висинска разлика: 241 m. Стартна точка на искачувањето Кајакарски мост (на влез во кањонот Матка) 300 мнв. Опис на патеката: Сите 8ки ќе се соберат на влез од кањонот Матка, пред куќичките со кајаците, кај кајакарскиот мост. Откако ќе го поминеме мостот, наредните 300...

Кадиица и Лута

Еднодневна, релативно лесна акција на 31.3.2019 (недела), на двата централни врвови на планината Бабуна – Кадиица (1430 м.н.в.) и Лута (1500 м.н.в.), од каде што се протега прекрасен поглед на Пелагонија. Се поаѓа од селото Ораов Дол (500-550 м.н.в.) по делумно обележана патека до месноста Момин Вир (700 м.н.в.) каде што има прекрасни слапови на реката Брезица. Оттаму преку Осојница и Трештеник, по не толку видлива патека (на одредени места воопшто и нема да се оди по патека) планирано е да се отиде прво на врвот Кадиица (времетраење на искачувањето од околу 2 часа), а потоа доколку има време и услови и на соседниот врв Лута кој е оддалечен половина час. Враќањето ќе се одвива преку изворишниот дел на реката Брезица и по сртот од нејзината десна долинска страна при што се поминува низ предел со прекрасни камени форми. Вкупната должина на патеката во двете насоки изнесува 13-14 км. За подетални информации за овие предели, погледнете ги претходните акции на планинарското друштво. Извештајот од 2015 година може да се види тука. Тргнување од Скопје во 5.00 на бенизнската пумпа Макпетрол на источниот излез. Ќе може да се договори и попатно собирање на учесниците.   ПОТСЕТУВАЊЕ ЗА: – облека – соодветна за движење во пролетни услови, без многу снег, но со променливо време и влажен терен; – вода – добро е да се понесе барем 1 литар вода; – цена – 500 денари.   ПРИЈАВУВАЊЕ: Велимир Граоркоски  071 564-458 / veljogr@yahoo.com   НАПОМЕНА: – секој учесник е должен да ги почитува правилата и насоките на водачите, во спротивно сам е одговорен за несаканите последици; – движењето се одвива во група предводена...

6 – 7 aприл 2019 СОЛУНСКА ГЛАВА 2530м.

Традиционално искачување на крајот од зимата. Припрема за високогорските акции во текот на 2019 година – АТЛАС, ДАМАВАНД, АЛПИ… Потребна е солидна физичка подготвеност. ПРОГРАМА: 6 април 2019 (сабота) – Во 7:30ч. поаѓање од жел.станица – паркинг пред Пошта 2. Превоз со минибус до рибникот во село Нежилово (700м.н.в.). Потоа пешачење до пл.дом Чеплес на 1450м. (5км – околу 2 часа пешачење). Сместување во повеќекреветни соби. Ноќевање. 7 април 2019 (недела) –  Рано наутро во 5:30ч поаѓање кон врвот Солунска глава 2530м.(7км. – околу  3,5 часа пешачење). Краток одмор на врвот и потоа враќање  во пл. дом Чеплес. Спуштање до с.Нежилово и заминување за Скопје. ЦЕНА – 1200 ден.(за превоз и ноќевање). ПОТРЕБНА ОПРЕМА – зимска планинарска, дерези, пл.стапови или цепин. ХРАНА – од ранец, 1,5л вода. ПЛАНИНАРСКА КНИШКА со маркица за 2019г. ПРИЈАВУВАЊЕ И УПЛАТА – до пополнување на местата во превозното средство. НАПОМЕНА:  секој учесник во акцијата учествува на сопствена одговорност. Сите учесници се должни да ги почитуваат наредбите и советите на водачот. Во случај на силно невреме водачот може да ја откаже или прекине акцијата заради безбедност на учесниците. ВОДАЧИ:  Никола Доновски ,  Миланка Арсиќ (од ПСК Балкан)  ...

Архива