Архива од сите најави за акции

Зимска Школа на ПСК Макпетрол – 12 јануари 2020

Зимска Школа на ПСК Макпетрол – 12 јануари 2020

ПСК Макпетрол, Скопје, ве поканува на Зимската Школа. За сите членови на ПСК Макпетрол и заинтересирани планинари (почетници и искусни планинари). Ви посакуваме среќни празници и секое добро во 2020. Недела 12 јануари 2020 07:00 – Поаѓање од Скопје кон Попова Шапка 09:00 – 12:00 – Прв дел од обуката 12:00 – 13:00 – Пауза 13:00 – 15:30 – Втор дел од обуката 16:30 – Поаѓање кон Скопје ПРОГРАМА* Прв дел од обуката Движење низ снег. Презентација на соодветни обувки и облека за зима. Употреба на цепин. Движење со дерези. Движење со дрезги. Изработка на зимско засолниште. Втор дел од обуката Спречување на падови со цепин и дерези. Движење во наврска.  *Се работи во групи, при што секој член од групата ќе го проба презентираното. Потребна опрема Лична опрема: облека и обувки соодветни на временските прилики, ранец, лична планинарска техничка опрема (појас, шлем, дерези, цепин, планинарски стапчиња, дрезги). ПСД Макпетрол обезбедува дел од планинарската техничка опрема (појаси, шлемови, дерези, цепини, дрезги). Цена за превоз: 400 денари Пријавување: 7  јануари 2020 (понеделник) Пријавување кај: Горан Николоски – 070/200-506 Никола Доновски – 070/725-880 Стојан Хаџијевтимов – 078/315-213 И кај останатите планинарски водичи на ПСК Макпетрол.  ...

15 – 17 фебруари 2020 БАНСКО (ПИРИН ПЛАНИНА)

  Известување за членовите на ПСК Макпетрол и за оние кои сакаат да ни се придружат. Пирин планина е една од најубавите планини на Балканот. 1983 г. е прогласена за национален парк во составот на УНЕСКО. На Пирин има преку 70 леднички езера со мноштво водопади, вртачи и пештери. Највисок врв е Вихрен со 2914м.н.в. Во подножјето на Пирин е сместено градчето Банско со познатиот ски центар. Врвот Тодорка со 2746м доминира над ски центарот и е предизвик за зимско планинарско искачување. Во рамките на оваа акција планирано е искачување на Тодорка а за планинарите скијачи пружа можност за одржување на кондиционата подготвеност. ПРОГРАМА: 15 фебруари 2020 (сабота) – Во 6 часот поаѓање од жел.станица – паркинг пред Пошта. Околу 10.30часот пристигање во Банско. Сместување во организиран смештај и потоа планинарите на пешачење до Бандеришка пољана а скијачите на скијање. Вечерта заедничко дружење. Ноќевање. 16 фебруари 2020 (недела) – За планинарите: станување во 5 часот, земање ланч пакет и поаѓање со превоз до Шилигарник 1820м. Отаму пешачење до врвот Тодорка. Враќање по истата патека. За ова искачување потребни се дерези и цепин. За скијачите – доручек и потоа на скијање. Вечерта заедничко дружење. Ноќевање. 17 фебруари 2020 (понеделник) – Доручек и потоа Скијачите на скијање а за Планинарите пешачење по ски патеката до Шилигарник или капење во базен со топла минерална вода (да се понесе костим за капење). Попладне заминување за Скопје. ПОТРЕБНА ОПРЕМА: Топла зимска високогорска опрема. За искачување на Тодорка обавезни дерези и цепин. ПОТРЕБНИ ДОКУМЕНТИ: Пасош, патничко осигурување. ПЛАНИРАН ТРОШОК: За организиран превоз, две ноќевања со доручек и осигурување. НАПОМЕНА: Секој учесник во акцијата учествува на...

8 декември 2019 СВЕТСКИ ДЕН НА ПЛАНИНАТА

ПОКАНА  Почитувани, ФПСМ, традиционално и оваа година се приклучува кон одбележување на,,Светскиот ден на планината,,. ФПСМ се придружува кон одбележување на овај ден, со цел да се зголеми важноста на планината за секојдневниот живот, како и да се придонесе кон создавање на партнерства кои ќе донесат позитивни промени во нивната заштита. Оваа година, „Светскиот ден на планината“ ќе се одбележи на 08 декември 2019 година За таа цел, имаме чест да Ве поканиме да бидете дел од овај настан, за да му дадеме поголемо значење на „Светскиот ден на планината“, во интерес да се создаде традиционален настан за подобар и поквалитетен живот за целата општествена заедница. Програма: Опција 1 Планинарска патека: Скопје – Водно – Матка (5 часа пешачење) 07.00 ч. Стартно место: ОУ Кочо Рацин (Обезбедени планинарски водичи) Опција 2 Планинарска патека: Матка / Манастир Св. Богородица – Св. Спас – Св. Недела – Св. Андреа (3 часа пешачење) 09.30 ч. Стартно место: Манастир Св. Богородица, Матка (Обезбедени планинарски водичи) Официјален дел од програмата 13.00 – 13.30 ч. Планинарски дом Матка, свечен собир и доделување на награди и признанија(Св. Андреа) Гостите на настанот ќе можат да се освежат со планинарски чај во текот на целиот настан. 13.30 – 15.00 ч. Окрепување …., добро расположение и дружење. 15.00 ч. Довидување идната година Напомена: – Потребна опрема за еднодневно зимско планинарење и движење во природа, – Учесниците треба да се во добра здравствена и психофизичка кондиција, – Сите ученици на настанот треба да се членови или да се приклучат кон одреден планинарски клуб/друштво, организатор, – Задолжително пријавување и доставување на листи од друштвата/клубови со водич на групата (во прилог), –...

28.12.2019 – 02.01.2020 Б О Р О В Е Ц (Рила, Бугарија)

Акцијата е откажана заради непријавување на учесници. Известување за членовите на ПСК Макпетрол и за оние кои сакаат да ни се придружат. Заедничка акција со ПСК Балкан од Белград. Планирано е искачување во зимски услови на Мусала 2925м и Маљовица 2729м. За планинарите скијачи е можност за одржување на кондиционата подготвеност. ПРОГРАМА: 28.12.2019 (сабота) – Во 06 часот поаѓање од Скопје. Пристигање во Самоков. Слободно попладне. Ноќевање во организиран смештај. 29.12.2019 (недела) –  Искачување на Мусала 2925м. – Превоз со кабинките до Јастребец, потоа пешачење до пл.дом Мусала (околу 1 час пешачење). Краток одмор па продолжување на пешачењето до пл.дом Еверест на 2700м (уште околу 1 час пешачење). Краток одмор и потоа завршно искачување до врвот 2925м (околу 1 час пешачење). Сатниците се дадени во склад со зимски снежни  временски прилики. Враќање од врвот по истата патека и спуштање со кабинките во Боровец, превоз до Самоков. Ноќевање. 30.12. 2019 (понеделник) – Искачување на Маљовица 2729м.   – превоз до Спортскиот центар Маљовица, кратка пауза во пл.дом Маљовица 1960м и потоа искачување покрај Еленините езера до врв Маљовица. Враќање по истата патека до Спортскиот центар и враќање во Самоков. Ноќевање. 31.12.2019 (вторник) – Планинарење по ски-патеката до Јастребец. Свечена вечера и дружење за дочек на Новата 2020 Година. 01.01.2020 (среда) – Пешачење по ски-патеките или низ Боровец. Ноќевање. 02.01.2020 (четврток) – Пешачење низ Боровец. Во 15 часот поаѓање за Скопје. СМЕСТУВАЊЕ И ИСХРАНА: организирано. ПОТРЕБНИ ДОКУМЕНТИ:  пасош, планинарска книшка со маркица за 2019г, патничко осигурување. ПОТРЕБНА ОПРЕМА:  топла зимска планинарска опрема, за искачување на врвовите потребни се дерези и цепин. ТРОШОК: за превоз, 5 ноќевања, организирана исхрана, осигурување. ПРИЈАВУВАЊЕ:  до 10...

23 – 24 ноември 2019 В И Т О Ш А

Известување за членовите на ПСК Макпетрол и за оние кои сакаат да ни се придружат. ПРОГРАМА: 23 ноември 2019 (сабота) – Во 06 часот поаѓање од жел. станица – паркинг пред Пошта 2. Околу 10 часот пристигање во Софија. Посета на продавниците за спортска опрема Декатлон и Алпи. Ноќевање. 24 ноември 2019 (недела) – Превоз до планинарскиот дом Алеко 1810м. Припрема и поаѓање кон врвот. Пешачење околу 2 часа. Пристигање на Црни врв. Одмор во планинарскиот дом во кој може да се добие чај и храна. Потоа враќање до Алеко и заминување за Скопје. ПОТРЕБНИ ДОКУМЕНТИ:  Пасош, осигурување од несреќен случај на планина. ПОТРЕБНА ОПРЕМА:  Топла планинарска опрема прилагодена на временските прилики, планинарски кондури, пожелни се дерези доколку има снег. ТРОШОК:  за превоз, ноќевање и осигурање. ПРИЈАВУВАЊЕ:  До 15 ноември 2019. Тел. 070 725 – 880.   mail: nikola.donovski@gmail.com НАПОМЕНА:  Акцијата е од лесен карактер при добри временски услови. Секој учесник учествува на сопствена одговорност. Учесниците се должни да ги почитуваат наредбите и советите на водачот. Водачот има право да ја прекине или откаже акцијата во случај на јако невреме. ВОДАЧ:  Никола Доновски.    ...
27 октомври 2019, Родители и деца во епизодата: Арбор и Трееа од Догвилл

27 октомври 2019, Родители и деца во епизодата: Арбор и Трееа од Догвилл

ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ Ве поканува на планинарска акција   Родители и деца во епизодата: Арбор и Трееа од Догвилл   Опис на акцијата: Ова е приказна за Арбор и Трееа од Догвилл и нивната голема неисполнета желба. Арбор и Трееа живеат малку над Скопје. Јадат, пијат, играат, учат, спијат и растат. Си зборуваат со нивното големо семејство, се радуваат на дождот, се греат на сонцето, се милуваат, учат, работат, шумолат на ветрот, се смрзнуваат, бррр, но многу го сакаат снегот, особено кога ги облекува во бело, плачат кога ќе ги повредат, тагуваат кога ќе слушнат дека нивни далечни и блиски роднини и пријатели ги нема повеќе. Имаат многу убав и исполнет живот. Многу ги сакаат луѓето, децата, животните, птиците и инсектите. Им помагаат, ги штитат и засолнуваат, ги држат кога спијат, им го покажуваат патот, среќни се кога ги скокоткаат додека се качуваат по нив, им ги простуваат сите неправди што им ги нанеле. И имаат една желба. Да кампуваат. Ете баш тоа сакаат. Да бидат кампери! И точка. Да седат во круг и да си раскажуваат приказни. Да шушкаат додека се смеат. Доста им е веќе од тоа, луѓето и децата да се плашат од нивните сенки додека љубопитно ѕиркаат во шаторите на камперите и планинарите. Арбор и Трееа се дел од нашето цело. Арбор и Трееа се дрвја. И многу се тажни кога ги сечат и палат, но и кога немаат надвиснато над шатори долго време. Затоа, дојдете да поставиме камп во прекрасната шума над Кучково, кај месноста Јазвиње. Таму живаеат убавите дрвја Арбор и Трееа, нивното семејство и пријатели. И нé чекаат да направиме...

9 – 11 ноември 2019 БЕЛАСИЦА и МАЛЕШЕВИЈА

ПРОГРАМА: 9 ноември 2019 (сабота) – Во 06 часот поаѓање од жел.станица – паркинг пред Пошта 2. Околу 8 часот пристигање во Струмица. Приклучување кон групата планинари од ПСК Балкан од Белград. Посета на манастирите Вељуса и Водоча и водопадите во село Колешино и Смоларе. Од Смоларскиот водопад започнува искачување до планинарскиот дом Шарена чешма на 1276м.н.в. Пешачењето трае околу 2,5 часа. Ноќевање. 10 ноември 2019 (недела) –  Рано наутро поаѓање кон врвот Тумба на 1881м. Пешачењето до врвот трае околу 3 часа. Краток одмор на врвот и потоа враќање до пл.дом и спуштање до Смоларе. Превоз од Струмица до Берово. Сместување во хотел на Беровско езеро. Ноќевање. 11 ноември 2019 (понеделник) – Станување рано наутро. Доручек или ланч пакет и превоз до излетничкото место Равна река. Отаму започнува искачување до врвот Ченгино кале 1747м и врвот Џами тепе 1803м. Враќање до Равна река и заминување за Скопје. ПОТРЕБНА ОПРЕМА: топла планинарска облека прилагодена на временските прилики, планинарски кондури, капа, ракавици, храна од ранец, шише со 1,5л вода, стапчиња, по желба летна вреќа за спиење во пл.дом, планинарска книшка со маркица за 2019г. ТРОШОЦИ:  3.000 ден. (за превоз, две ноќевања и два доручека). НАПОМЕНА: секој учесник во акцијата учествува на сопствена одговорност. Од сите учесници се очекува добра психофизичка подготвеност и да ги почитуваат наредбите и советите на водачот. Водачот може да изврши промена на програмата во случај на непредвидени околности опасни по животот и здравјето на учесниците. ПРИЈАВУВАЊЕ –  до 1 ноември 2019. ВОДАЧ:  Никола Доновски, тел. 070 725-880 / mail: nikola.donovski@gmail.com...

20 октомври Куртово Ќуле, Јаворско Брдо и Високо Брдо

Опис на акцијата: Поаѓање од с. Жировница – искачување на Куртово Ќуле (2082 мнв.)-Јаворско Брдо (2155 мнв.)-Високо Брдо (2245 мнв.). Стартна точка на искачувањето: с. Жировница 950 мнв. Опис на патеката: се тргнува од с. Жировница (Г. Махала) од кај горната џамија. По кратко пешачење низ ниска вегетација се влегува во висока листопадна шума, преку Чорник, се излегува на оторен терен (гребен) кој не води до Куртово Ќуле од каде се пружа извонреден поглед кон корапскиот масив на север, Дешат на југ и Бистра на исток со врвовите Карбула и Меденица. Тука правиме поголем одмор а потоа повторно по гребен се упатуваме кон Јаворско Брдо и Високо Брдо. Со оглед на добрите временски услови што не очекуваат, на врвот ќе направиме поголема пауза. Враќањето ќе го изведеме по течението на Таорска Река (кружна патека) која од североисточната страна го заобиколува Куртово Ќуле и завршува во Жировница. Тежина: Турата е тешка. 16 км. 1460 м.  висинска разлика. Потребна е добра физичка подготовка Времетраење на акцијата (вкупно): околу 10-11 часа Опрема: Тросезонски високи чевли, повеќеслојна облека прилагодена на временските услови, очила за сонце, крема за лице со висок УВ фактор, челна лампа, полн мобилен телефон и компас. Храна: од ранец, потребно е да се носи најмалку 2 литри вода. Превоз: организиран. Време: 5 часот. Пошта 2, кај железничка станица Водачи: Елена Петковска,  Петар Герасимов Контакт телефон: 070 330 765   Напомена: Учесниците во акцијата се должни да ги почитуваат насоките на водачите. Во спротивно самите се одговорни за несаканите последици. Водачите имаат право да исклучат учесник/-ци на акцијата на почеток или во текот на акцијата доколку не ја поседуваат соодветната планинарска...

Регионален планинарски едукативен камп Љуботен 2019

ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ Ве поканува на Регионален планинарски едукативен камп Љуботен 2019 ЗПСК МАКПЕТРОЛ во соработка со Младинска Комисија при ФПСМ организира регионален едукативен планинарски камп за млади планинари од 14-18 години со опфатени основни теми за планинарење: 1. Опрема и пакување на ранец 2. Движење во планинарска група и улога, права и должности на водич 3. Екологија 4. Однесување во планинарски дом, права и одговорности, почитување на куќен ред 5. Движење по маркирана патека, маркација 6. Јазли 7. Важност на здрава исхрана и здрави навики 8. Ориентација (карта и компас, ГПС, мобилна апликација) 9. Резервна тема: Изградба на бивак и бивакување Програма на кампот: Прв дел-запознавање на учесниците и водичите Ако метеоролошките и временските услови дозволуваат, после меѓусебното запознавање се упатуваме кон Крстовар (1066мнв). За време на акцијата ќе ги опфатиме темите: Oпрема и пакување на ранец и Движење во планинарска група и улога, права и должности на водич. Во случај да не се искачува Крстовар поради лоши временски услови, учесниците ќе се сретнат на локација по договор со организаторите. *Средбата ќе се одржи викендот пред одржување на кампот. Втор дел-планинарски дом Љуботен 1 ден: Сабота • Собирање на групата пред Веро 2, Тафталиџе и поаѓање во 08:00 часот • Пристигнување во Старо село околу 09:30 часот • Пешачење до дом Љуботен околу 2 часа и пристигнување околу 11:30 часот • Сместување по соби и ужина • Повторување и учење по пат на игра на едукативни планинарски теми • Ручек во 13:30-14:00 часот • Попладневен одмор до 14:30 часот • Активности со учење на основни јазли и игри до 15:30 часот • Ужина 15:30 • Активности...
27 – 29 септември 2019, Зла и Добра Колата, Проклетије, Црна Гора

27 – 29 септември 2019, Зла и Добра Колата, Проклетије, Црна Гора

Опис на акцијата: Искачување на двата највисоки врвови во Црна Гора. Врвовите се наоѓаат на масивот Проклетије. Петок, 27 септември 16:00 – Скопје – Вусање, Црна Гора Сместување во Вусање Сабота, 28 септември 05:00 – Вусање – врв Зла Колата (2.534 м.). Искачување и на Добра Колата (2.525 м.) Почеток на патеката: Горно Вусање (1.035 м.) Висинска разлика: 1600 м. Должина на патека: 11 км во еден правец. Време на искачување во еден правец: околу 6 часа. Тежина на патеката: напорна. Сместување во Вусање. Недела, 29 септември Посета на околни атракции. 14:00 – Вусање – Скопје   Опис на патеката: Патеката до врвовите Зла и Добра Колата е напорна и се препорачува за искусни и физички подготвени планинарки и планинари.  Опрема: Планинарски чизми, планинарски стапчиња. Ранец за еднодневна планинарска акција. Облека соодветна на времето. Храна вклучена во сместувањето и од ранец. Пријавување до 25 септември 2019 Планинарски водич: Горан Николоски. Контакт: Горан Николоски, 070/200-506, goran.nikoloski@t.mk  Напомени: Акцијата е предвидена за искусни и физички добро подготвени планинарки и планинари. Во случај на неповолни временски услови акцијата навреме ќе биде откажана. Учесниците во акцијата се должни да ги почитуваат насоките на водичите. Во спротивно самите се одговорни за несаканите последици. Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки и не ја поседуваат соодветната планинарска опрема. Водичите го задржуваат правото на промена на условите на објавената акција согласно условите на теренот....

Архива