23 – 24 ноември 2019 В И Т О Ш А

Известување за членовите на ПСК Макпетрол и за оние кои сакаат да ни се придружат.

ПРОГРАМА:

23 ноември 2019 (сабота) Во 06 часот поаѓање од жел. станица – паркинг пред Пошта 2. Околу 10 часот пристигање во Софија. Посета на продавниците за спортска опрема Декатлон и Алпи. Ноќевање.

24 ноември 2019 (недела) – Превоз до планинарскиот дом Алеко 1810м. Припрема и поаѓање кон врвот.

Пешачење околу 2 часа. Пристигање на Црни врв. Одмор во планинарскиот дом во кој може да се добие чај и храна. Потоа враќање до Алеко и заминување за Скопје.

ПОТРЕБНИ ДОКУМЕНТИ:  Пасош, осигурување од несреќен случај на планина.

ПОТРЕБНА ОПРЕМА:  Топла планинарска опрема прилагодена на временските прилики, планинарски кондури, пожелни се дерези доколку има снег.

ТРОШОК:  за превоз, ноќевање и осигурање.

ПРИЈАВУВАЊЕ:  До 15 ноември 2019. Тел. 070 725 – 880.   mail: nikola.donovski@gmail.com

НАПОМЕНА:  Акцијата е од лесен карактер при добри временски услови. Секој учесник учествува на сопствена одговорност. Учесниците се должни да ги почитуваат наредбите и советите на водачот. Водачот има право да ја прекине или откаже акцијата во случај на јако невреме.

ВОДАЧ:  Никола Доновски.

 

 

 

27 октомври 2019, Родители и деца во епизодата: Арбор и Трееа од Догвилл

27 октомври 2019, Родители и деца во епизодата: Арбор и Трееа од Догвилл

ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ
Ве поканува на планинарска акција
 
Родители и деца во епизодата: Арбор и Трееа од Догвилл
 
Опис на акцијата: Ова е приказна за Арбор и Трееа од Догвилл и нивната голема неисполнета желба. Арбор и Трееа живеат малку над Скопје. Јадат, пијат, играат, учат, спијат и растат. Си зборуваат со нивното големо семејство, се радуваат на дождот, се греат на сонцето, се милуваат, учат, работат, шумолат на ветрот, се смрзнуваат, бррр, но многу го сакаат снегот, особено кога ги облекува во бело, плачат кога ќе ги повредат, тагуваат кога ќе слушнат дека нивни далечни и блиски роднини и пријатели ги нема повеќе. Имаат многу убав и исполнет живот. Многу ги сакаат луѓето, децата, животните, птиците и инсектите. Им помагаат, ги штитат и засолнуваат, ги држат кога спијат, им го покажуваат патот, среќни се кога ги скокоткаат додека се качуваат по нив, им ги простуваат сите неправди што им ги нанеле. И имаат една желба. Да кампуваат. Ете баш тоа сакаат. Да бидат кампери! И точка. Да седат во круг и да си раскажуваат приказни. Да шушкаат додека се смеат. Доста им е веќе од тоа, луѓето и децата да се плашат од нивните сенки додека љубопитно ѕиркаат во шаторите на камперите и планинарите. Арбор и Трееа се дел од нашето цело. Арбор и Трееа се дрвја. И многу се тажни кога ги сечат и палат, но и кога немаат надвиснато над шатори долго време.
Затоа, дојдете да поставиме камп во прекрасната шума над Кучково, кај месноста Јазвиње. Таму живаеат убавите дрвја Арбор и Трееа, нивното семејство и пријатели. И нé чекаат да направиме вистински еднодневен планинарски камп. Со шатори, со хамоци, вреќи и подметачи, со смеа, игри и дружење. Да ја исполниме нивната голема желба.
 
Должина на патеката: 5 km.
 
Висинска разлика: 135 m.
 
Стартна точка: Селската чешма во с. Кучково (сред село) на 560 m.
 
Опис на патеката: Се наоѓаме кај селската чешма сред село Кучково. Во колона се упатуваме кон месноста Јазвиње над селото, каде се наоѓа крст на 695 m. Се движиме по макадам пат кој над селото минува низ тревнат терен лесен за совладување и за најмладите учесници. Потребното време за пристигнување до шумата во околина на крстот е очекувано да биде околу час до час и половина. Активностите околу поставувањето на кампот, именувањето на водичи од редовите на поголемите деца-учесници, игрите за заштита на животната средина и стекнување нови вештини за самостојно кампирање ќе траат отприлика три до четири часа. По собирање на кампот, продолжуваме назад кон селото по друга патека која води покрај манастирите Св. Атанас и Св. Недела. Пристигнуваме назад на стартната точка за час до час и половина. Патеката е кружна.
 
Напор: Патеката е лесна, со брзина прилагодена на способноста на учесниците.
 
Времетраење на акцијата (вкупно): 6-7 часа
 
Опрема (задолжителна / препорачана):
• Ранче
• Простирка, ќебенце или подметач
• Планинарски чевлички или високи патики
• Облека соодветна на времето, капа, ракавици, облека за преслекување, очила за сонце, крем со заштитен фактор.
 
Храна: Од ранец (сендвичи, чоколадо, житарки, суво грозје…) Вода 1л. Вода има во село Кучково и кај крстот над селото.
 
Тргнување од: Акцијата започнува во 09:00 часот од чешмата во Кучково. До тука сообраќа мини бус на ЈСП со број 164, кој поаѓа од Волково. На страната на ЈСП може да се провери возниот ред по станици.
 
Планинарски водичи: Јовица Апостоловски, Ирена Диков, Христифор Саракинов, Љубица Матевска, Велимир Граорковски
 
Цена: /
 
Пријавување: ЗАДОЛЖИТЕЛНО најдоцна до петок, 25.10.2019
 
Лица за контакт: Јовица Апостоловски 070 864 555, Ирена Диков 070 325 618, Христифор Саракинов 071 333 263, Љубица Матевска 071 390 626, Велимир Граорковски 078 260 617
 
Напомени:
 
• Во случај на неповолни временски услови акцијата навреме ќе биде откажана
• Учесниците во акцијата се должни да ги почитуваат насоките на водичите. Во спротивно самите се одговорни за несаканите последици.
• Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки, не ја поседуваат соодветната планинарска опрема и не ги почитуваат насоките на водичите.
• Водичите го заддржуваат правото на промена на условите на објавената акција согласно условите на теренот.

9 – 11 ноември 2019 БЕЛАСИЦА и МАЛЕШЕВИЈА

ПРОГРАМА:

9 ноември 2019 (сабота) Во 06 часот поаѓање од жел.станица – паркинг пред Пошта 2. Околу 8 часот пристигање во Струмица. Приклучување кон групата планинари од ПСК Балкан од Белград.

Посета на манастирите Вељуса и Водоча и водопадите во село Колешино и Смоларе. Од Смоларскиот водопад започнува искачување до планинарскиот дом Шарена чешма на 1276м.н.в. Пешачењето трае околу 2,5 часа. Ноќевање.

10 ноември 2019 (недела) –  Рано наутро поаѓање кон врвот Тумба на 1881м. Пешачењето до врвот трае околу 3 часа. Краток одмор на врвот и потоа враќање до пл.дом и спуштање до Смоларе.

Превоз од Струмица до Берово. Сместување во хотел на Беровско езеро. Ноќевање.

11 ноември 2019 (понеделник) – Станување рано наутро. Доручек или ланч пакет и превоз до излетничкото место Равна река. Отаму започнува искачување до врвот Ченгино кале 1747м и врвот Џами тепе 1803м. Враќање до Равна река и заминување за Скопје.

ПОТРЕБНА ОПРЕМА: топла планинарска облека прилагодена на временските прилики, планинарски кондури, капа, ракавици, храна од ранец, шише со 1,5л вода, стапчиња, по желба летна вреќа за спиење во пл.дом, планинарска книшка со маркица за 2019г.

ТРОШОЦИ:  3.000 ден. (за превоз, две ноќевања и два доручека).

НАПОМЕНА: секој учесник во акцијата учествува на сопствена одговорност. Од сите учесници се очекува добра психофизичка подготвеност и да ги почитуваат наредбите и советите на водачот. Водачот може да изврши промена на програмата во случај на непредвидени околности опасни по животот и здравјето на учесниците.

ПРИЈАВУВАЊЕ –  до 1 ноември 2019.

ВОДАЧ:  Никола Доновски, тел. 070 725-880 / mail: nikola.donovski@gmail.com

 

20 октомври Куртово Ќуле, Јаворско Брдо и Високо Брдо

Опис на акцијата: Поаѓање од с. Жировница – искачување на Куртово Ќуле (2082 мнв.)-Јаворско Брдо (2155 мнв.)-Високо Брдо (2245 мнв.).

Стартна точка на искачувањето: с. Жировница 950 мнв.

Опис на патеката: се тргнува од с. Жировница (Г. Махала) од кај горната џамија. По кратко пешачење низ ниска вегетација се влегува во висока листопадна шума, преку Чорник, се излегува на оторен терен (гребен) кој не води до Куртово Ќуле од каде се пружа извонреден поглед кон корапскиот масив на север, Дешат на југ и Бистра на исток со врвовите Карбула и Меденица. Тука правиме поголем одмор а потоа повторно по гребен се упатуваме кон Јаворско Брдо и Високо Брдо. Со оглед на добрите временски услови што не очекуваат, на врвот ќе направиме поголема пауза. Враќањето ќе го изведеме по течението на Таорска Река (кружна патека) која од североисточната страна го заобиколува Куртово Ќуле и завршува во Жировница.

Тежина: Турата е тешка. 16 км. 1460 м.  висинска разлика. Потребна е добра физичка подготовка

Времетраење на акцијата (вкупно): околу 10-11 часа

Опрема: Тросезонски високи чевли, повеќеслојна облека прилагодена на временските услови, очила за сонце, крема за лице со висок УВ фактор, челна лампа, полн мобилен телефон и компас.

Храна: од ранец, потребно е да се носи најмалку 2 литри вода.

Превоз: организиран.

Време: 5 часот. Пошта 2, кај железничка станица

Водачи: Елена Петковска,  Петар Герасимов

Контакт телефон: 070 330 765

 

Напомена:

  • Учесниците во акцијата се должни да ги почитуваат насоките на водачите. Во спротивно самите се одговорни за несаканите последици.
  • Водачите имаат право да исклучат учесник/-ци на акцијата на почеток или во текот на акцијата доколку не ја поседуваат соодветната планинарска опрема и не ги почитуваат препораките на водачите.
  • Учесниците во акцијата се должни да се придржуваат на брзината на движење која ќе ја одреди водачот.
  • Водачите го задржуваат правото за прекинување или промена на акцијата во зависност од врменските услови или некои други неприлики.

Погледнете го извештајот од поранешна акција на истата локација:

https://www.makpetrol.com.mk/planinari/ReportsMk/VisokoBrdo-Okt-2014.asp

27 – 29 септември 2019, Зла и Добра Колата, Проклетије, Црна Гора

27 – 29 септември 2019, Зла и Добра Колата, Проклетије, Црна Гора

Опис на акцијата: Искачување на двата највисоки врвови во Црна Гора. Врвовите се наоѓаат на масивот Проклетије.

Петок, 27 септември

  • 16:00 – Скопје – Вусање, Црна Гора
  • Сместување во Вусање

Сабота, 28 септември

  • 05:00 – Вусање – врв Зла Колата (2.534 м.). Искачување и на Добра Колата (2.525 м.)
    • Почеток на патеката: Горно Вусање (1.035 м.)
    • Висинска разлика: 1600 м.
    • Должина на патека: 11 км во еден правец.
    • Време на искачување во еден правец: околу 6 часа.
    • Тежина на патеката: напорна.
    • Сместување во Вусање.

Недела, 29 септември

  • Посета на околни атракции.
  • 14:00 – Вусање – Скопје

 

Опис на патеката: Патеката до врвовите Зла и Добра Колата е напорна и се препорачува за искусни и физички подготвени планинарки и планинари.

 Опрема:

  • Планинарски чизми, планинарски стапчиња.
  • Ранец за еднодневна планинарска акција.
  • Облека соодветна на времето.
  • Храна вклучена во сместувањето и од ранец.

Пријавување до 25 септември 2019

Планинарски водич: Горан Николоски.
Контакт: Горан Николоски, 070/200-506, goran.nikoloski@t.mk

 Напомени:

  • Акцијата е предвидена за искусни и физички добро подготвени планинарки и планинари.
  • Во случај на неповолни временски услови акцијата навреме ќе биде откажана.
  • Учесниците во акцијата се должни да ги почитуваат насоките на водичите. Во спротивно самите се одговорни за несаканите последици.
  • Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки и не ја поседуваат соодветната планинарска опрема.
  • Водичите го задржуваат правото на промена на условите на објавената акција согласно условите на теренот.

 

Подгоречко Езеро и Стрижек

Целодневна акција на 21.9.2019 (сабота) на помалку посетуван дел од планината Јабланица, која ќе започне од Лабунишки Бачила (1650 м.н.в.) од каде ќе се продолжи во правец на Долно Лабунишко Езеро (1920 м.н.в.) и Горно Лабунишко Езеро (1930 м.н.в.). Оттаму движењето ќе се одвива на југ кон Подгоречко Езеро (1900 м.н.в.). Искачувањето на последната цел за тој ден, врвот Стрижек (2233 м.н.в.), ќе се одвива движејќи се во близина на граничната линија со Албанија до преминот Невестин Гроб (2050 м.н.в.) и потоа преку западниот срт што го спојува преминот со врвот. Враќањето кон Лабунишки Бачила ќе биде изведено речиси директно од врвот.

Целта е во еден ден да се посети најголемото глацијално езеро на Јабланица и вториот по височина врв на планината.

Акцијата е релативно лесна, не премногу долга (вкупна должина од околу 13 км) и не се совладува преголема надморска височина (околу 850 м.н.в.), но не е ниту за потценување бидејќи на одредени места движењето ќе биде по беспатје, а исто така и спуштањето од Стрижек кон Лабунишки Бачила е стрмно. Целосното времетраење на акцијата изнесува 8-10 часа.

Доколку временските услови не се задоволителни, акцијата ќе се одложи или откаже.

Потсетување за:

  • облека – соодветна за есенско искачување над 2000 м.н.в.
  • обувки – препорачливи високи трисезонски планинарски кондури
  • опрема – се препорачуваат планинарски стапчиња
  • храна – доволна за целодневно движење низ планина
  • вода – барем 1.5 литар (пределот по кој ќе се одвива движењето од Подгоречко Езеро до Стрижек има мали извори со вода, но поради долгиот сушен период не може да се гарантира дека ќе бидат активни)

ВОДАЧИ НА АКЦИЈАТА:

Велимир Граоркоски 071564458 veljogr@yahoo.com

Дарко Трајковски 076274742

Цена: 800 денари.

Пријавувањето ќе се одвива исклучиво по правилото прв пријавен прв услужен до пополнување на превозот, со оставање контакт телефон за секој учесник поединечно. Потврдувањето на пријавата ќе биде извршено по уплатата најдоцна до 19 септември (четврток). Пријавените учесници ќе бидат контактирани за деталите најдоцна еден ден пред поаѓањето.

Поаѓање: во 05.00 од бензинската на западниот излез на Скопје. Ќе се договори и попатно собирање на учесниците. Планираниот почеток на искачувањето од Лабунишки Бачила е во 08.30. Враќањето во Скопје ќе биде приквечер.

 

НАПОМЕНА:

– секој учесник е должен да ги почитува правилата и насоките на водачите, во спротивно сам е одговорен за несаканите последици;

– движењето се одвива во група предводена од организаторот и водачите;

– водачите имаат право да исклучат учесник уште пред стартот на планинарската акција доколку не ги исполнува наведените услови и не ја поседува соодветната планинарска опрема за предвидената планинарска акција;

– водачите имаат право да исклучат учесник од групата поради непримерно однесување (загрозување на општата безбедност и нарушување на животната средина);

– водачите го задржуваат правото на измени на терминот и текот на акцијата во зависност од временските услови или влијанија од друга природа.