28.12.2019 – 02.01.2020 Б О Р О В Е Ц (Рила, Бугарија)

Известување за членовите на ПСК Макпетрол и за оние кои сакаат да ни се придружат.

Заедничка акција со ПСК Балкан од Белград. Планирано е искачување во зимски услови на Мусала 2925м и Маљовица 2729м. За планинарите скијачи е можност за одржување на кондиционата подготвеност.

ПРОГРАМА:

28.12.2019 (сабота) – Во 06 часот поаѓање од Скопје. Пристигање во Самоков. Слободно попладне. Ноќевање во организиран смештај.

29.12.2019 (недела) –  Искачување на Мусала 2925м.  Превоз со кабинките до Јастребец, потоа пешачење до пл.дом Мусала (околу 1 час пешачење). Краток одмор па продолжување на пешачењето до пл.дом Еверест на 2700м (уште околу 1 час пешачење). Краток одмор и потоа завршно искачување до врвот 2925м (околу 1 час пешачење). Сатниците се дадени во склад со зимски снежни  временски прилики. Враќање од врвот по истата патека и спуштање со кабинките во Боровец, превоз до Самоков. Ноќевање.

30.12. 2019 (понеделник) – Искачување на Маљовица 2729м.

 

превоз до Спортскиот центар Маљовица, кратка пауза во пл.дом Маљовица 1960м и потоа искачување покрај Еленините езера до врв Маљовица. Враќање по истата патека до Спортскиот центар и враќање во Самоков. Ноќевање.

31.12.2019 (вторник) – Планинарење по ски-патеката до Јастребец. Свечена вечера и дружење за дочек на Новата 2020 Година.

01.01.2020 (среда) – Пешачење по ски-патеките или низ Боровец. Ноќевање.

02.01.2020 (четврток) – Пешачење низ Боровец. Во 15 часот поаѓање за Скопје.

СМЕСТУВАЊЕ И ИСХРАНА: организирано.

ПОТРЕБНИ ДОКУМЕНТИ:  пасош, планинарска книшка со маркица за 2019г, патничко осигурување.

ПОТРЕБНА ОПРЕМА:  топла зимска планинарска опрема, за искачување на врвовите потребни се дерези и цепин.

ТРОШОК: за превоз, 5 ноќевања, организирана исхрана, осигурување.

ПРИЈАВУВАЊЕ:  до 10 декември 2019. Пријавување на тел. 070 725-880,  e-mail: nikola.donovski@gmail.com

НАПОМЕНА: Секој учесник учествува на сопствена одговорност. Од секој учесник се бара добра психофизичка подготвеност. Секој учесник е должен да ги почитува наредбите и советите на водачот. Искачувањата на врвовите ќе зависат од погодноста на временските и лавинските прилики. Одлуката ја донесува водачот.

ВОДАЧИ: Никола Доновски и Миланка Арсиќ.

24 – 26 јануари 2020 К О П А О Н И К

Известување за членовите на ПСК Макпетрол и за оние кои сакаат да ни се придружат.

Копаоник е убава, питома планина и ски центар во Србија. Планирано е пешачење до врвот 2014м и по гребенот над ски патеките а за планинарите скијачи пружа можност за одржување на кондиционата подготвеност.

ПРОГРАМА:

24 јануари 2020 (петок) – Поаѓање од Скопје во 14часот. Пристигање на Копаоник. Организирано сместување. Ноќевање.

25 јануари 2020 (сабота) – Пешачење до Панчиќев врв 2014м и по гребенот над ски – патеките. Спуштање до централниот дел. Попладне враќање во смештајот. Ноќевање.

26 јануари 2020 (недела) – Пешачење до релејот Гобеља. Потоа спуштање до пл. дом Р’тањ.

Во 15 часот заминување за Скопје.

ПОТРЕБНИ ДОКУМЕНТИ:  лична карта или пасош, планинарска книшка со маркица за 2019 / 2020 година, патничко осигурување.

ПОТРЕБНА ОПРЕМА:  топла зимска планинарска облека, планинарски кондури, стапчиња, камашни, капа, ракавици. Храна од ранец.

ТРОШОК:  за превоз и ноќевање.

ПРИЈАВУВАЊЕ:  до 10 јануари 2020. Тел. 070 725 – 880, e-mail: nikola.donovski@gmail.com  

НАПОМЕНА:  асекој учесник во акцијата учествува на сопствена одговорност.  Сите учесници се должни да ги почитуваат наредбите и советите на водачот.  

ВОДАЧ: Никола Доновски.                     

Регионален планинарски едукативен камп Љуботен 2019

Регионален планинарски едукативен камп Љуботен 2019

ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ
Ве поканува на Регионален планинарски едукативен камп Љуботен 2019

ЗПСК МАКПЕТРОЛ во соработка со Младинска Комисија при ФПСМ организира регионален едукативен планинарски камп за млади планинари од 14-18 години со опфатени основни теми за планинарење:

1. Опрема и пакување на ранец
2. Движење во планинарска група и улога, права и должности на водич
3. Екологија
4. Однесување во планинарски дом, права и одговорности, почитување на куќен ред
5. Движење по маркирана патека, маркација
6. Јазли
7. Важност на здрава исхрана и здрави навики
8. Ориентација (карта и компас, ГПС, мобилна апликација)
9. Резервна тема: Изградба на бивак и бивакување

Програма на кампот:
Прв дел-запознавање на учесниците и водичите
Ако метеоролошките и временските услови дозволуваат, после меѓусебното запознавање се упатуваме кон Крстовар (1066мнв). За време на акцијата ќе ги опфатиме темите: Oпрема и пакување на ранец и Движење во планинарска група и улога, права и должности на водич.
Во случај да не се искачува Крстовар поради лоши временски услови, учесниците ќе се сретнат на локација по договор со организаторите.

*Средбата ќе се одржи викендот пред одржување на кампот.

Втор дел-планинарски дом Љуботен
1 ден: Сабота
• Собирање на групата пред Веро 2, Тафталиџе и поаѓање во 08:00 часот
• Пристигнување во Старо село околу 09:30 часот
• Пешачење до дом Љуботен околу 2 часа и пристигнување околу 11:30 часот
• Сместување по соби и ужина
• Повторување и учење по пат на игра на едукативни планинарски теми
• Ручек во 13:30-14:00 часот
• Попладневен одмор до 14:30 часот
• Активности со учење на основни јазли и игри до 15:30 часот
• Ужина 15:30
• Активности за ориентација во простор со компас и карта, ГПС, мобилни апликации
• Вечера во 18:30
• После вечерата игри и заедничко пакување на ранци за утрешната тура
• Легнување во 21:30 часот
2 ден: Недела
• Будење во 06:00 часот
• Доручек во 06:30 часот
• Поаѓање кон врв Љуботен (2499 мнв) во 07:00 часот
• Пристигнување на врв Љуботен околу 10:00 часот
• Тргнување назад кон дом Љуботен во 10:30 часот зависно од временските услови на врвот
• Пристигнување во дом Љуботен во 12:00 часот
• Ручек во 12:30 часот
• Пакување, и поаѓање кон Старо село во 14:00 часот
• Очекувано пристигнување во Старо село и поаѓање кон Скопје во 16:00 часот
• Пристигнување во Скопје во 17:30 часот на паркингот Веро 2, Тафталиџе

Резервна акција: Зависно од временските услови
• Будење во 07:00 часот
• Доручек во 07:30 часот
• Предавање изработка бивак и бивакување во 08:00 часот
• Изработка на бивак во околината на дом Љуботен во 09:00 часот
• Пристигнување во дом Љуботен во 12:00 часот
• Ручек во 12:30 часот
• Пакување и поаѓање кон Старо село во 14:00 часот
• Очекувано пристигнување во Старо село и поаѓање кон Скопје во 16:00 часот
• Пристигнување во Скопје во 17:30 часот на паркингот Веро 2, Тафталиџе

Датум на изведба на кампот: 23-24.11.2019

Локација: Планинарски дом Љуботен

Опрема (задолжителна / препорачана):
• Ранец
• Високи планинарски чизми
• Облека во слоеви ( зимски панталони, синтетички спортски маички, полар, јакна за заштита од ветер и дожд, тенки ракавици, скијачки ракавици, капа, бандана, високи волнени или синтетички планинарски чорапи, волнен или синтетички прв слој на облека )
• Кабаница
• Гамашни
• Челна лампа со резервни батерии
• Стапчиња за планинарење
• Вреќа за спиење
• Прибор за лична хигиена
• Фактор за сончање и очила за сонце
• Пенкало и тетратка

Организаторот обезбедува:
1. Превоз во два правци (Скопје – с. Старо Село – Скопје);
2. Превоз на опрема до вила Љуботен;
3. Храна (доручек, ручек, вечера + две ужини);
4. Материјали за предавања;
5. Маица;
6. Едукативна настава;
7. Две теренски настави и
8. Диплома за учество

Потребни документи за учество:
1. Потврда од матичен доктор за добра здравствена состојба
2. Пополнет образец – согласност од родител/старател
3. Пријава за учество
*Без комплетна документација, лицето го губи правото на учество на кампот

Пријавување: ЗАДОЛЖИТЕЛНО најдоцна до 15.11.2019. Бројот на е ограничен на најмногу 15 учесници.

*Предност ќе имаат активни млади членови на планинарски клубови од Скопје, регистрирани во ФПСМ

Лица за контакт: Јовица Апостоловски 070/864-555 jovica_apostolovski@hotmail.com, Ирена Диков 070/325-618 irena.dikov@hotmail.com, Христифор Саракинов 071/333-263 rikisar@gmail.com

Напомени:
• Во случај на неповолни временски услови кампот навреме ќе биде откажан
• Учесниците во кампот се должни да ги почитуваат насоките на водичите. Во спротивно самите се одговорни за несаканите последици.
• Водичите го заддржуваат правото на промена на условите на објавената акција согласно условите на теренот.