07-09 Јуни 2019, Комови ( Црна Гора )

07-09 Јуни 2019, Комови ( Црна Гора )

ЗДРУЖЕНИЕ ПЛАНИНАРСКИ СПОРТСКИ КЛУБ МАКПЕТРОЛ СКОПЈЕ

Ве Поканува на планинарска акција – Комови ( Црна Гора), дел од Динарскиот планински венец.

Опис на акцијата: Планината Комови се протега во источна Црна Гора помеѓу реките Лим, Тара и Дрцка и е опкружена со планините Проклетие, Планиница и Бјелашица. Растителниот свет е многу разновиден и богат, благодарение на што овој планински масив претставува потенцијална ИПА ( IPA – Important plant aeras ) област во Црна Гора. Комови се познати по тоа што важат за недопрена природа. На планината се истакнуваат три високи и моќни врвови: Кучки Ком ( 2487 мнв), Љеворечки Ком ( 2469 мнв ) и Васојевички Ком ( 2460 мнв ).

Тек на акцијата:
07.06.2019 ( ПЕТОК )
– Собирање на групата на паркингот на Пошта 2 – Железничка
станица Скопје во 23:30 часот.
08.06.2019 ( САБОТА )
– Поаѓање од Скопје: 00:00 часот од паркингот на Пошта 2 –
Железничка станица Скопје (предвидено е да се патува ноќта за да стигнеме во раните утрински часови во Штавна)
– Пристигнување во Штавна: 07:00 часот во Еко катун Штавна,
сместување во бунгалови, препакување на опрема.
– Во 08.00 часот од Штавна започнуваме со искачување на
Васојевички Ком. По кратка пауза за сликање и одмор на
врвот групата се упатува кон Еко катунот Штавна, каде може
да се посети и етно ресторан. Попладневните часови се за
слободни активности и ноќевање.
09.06.2019 ( НЕДЕЛА )
– Будење во 03:30 часот, поаѓање во 04:00 часот кон Меѓукомје,
од каде се упатуваме кон Кучки Ком . По кратка пауза на врвот
за сликање и одмор се враќаме во Меѓукомје од каде се
упатуваме кон Еко катун Штавна.
Поаѓање за Скопје: 15:00 часот

Должина на патеката:
– Штавна – Васојевички Ком со должина од 8.6 km
– Штавна – Кучки Ком со должина од 14 km

Висинска разлика:
– Штавна – Васојевички Ком со висинска денивелација од 810 D+
– Штавна – Кучки Ком со висинска денивелација од 990 D+

Стартна точка на искачувањето: Еко катун Штавна ( 1800 мнв )

Опис на патеката: Најголем дел од патеката се одвива по карпест терен. Особено внимание треба да се посвети на последните метри од врвот Кучки Ком, каде се поминува по срт со стрмни страни.

Напор: Акцијата спаѓа во категорија Тешки планинарски акции за кои е потребно предходно искуство за движење по карпест терен.

Времетраење на акцијата ( вкупно ):
– Штавна – Васојевички Ком од 4 – 5 часа
– Штавна – Кучки Ком од 9 – 10 часа

Опрема (задолжителна / препорачана):
– Ранец
– Планинарски чевли или обувки со солиден грип
– Техничка опрема ( појас, шлем )
– Облека соодветна на временските услови
– Бидон или шише за вода
– Очила за сонце, крем со заштитен фактор

Храна:
– Секој сам си носи храна ( во бунгаловите има можност за
готвење )
– Вода 2 литри ( може да се наполни во Штавна од чешма )
– Суво овошје, јатки или енергетски барови и сл.

Планинарски водичи: Христифор Саракинов, Јовица Апостоловски

Цена: 3.000,00 денари – во цената е пресметано: патни трошоци, сместување/ноќевање во бунгалови во Еко Катун Штавна, трошоци за организација.

Пријавување: најдоцна до најдоцна до 25.05.2019 , бројот на учесници е ограничен.

Лица за контакт: Христифор Саракинов 071/333-263, Јовица Апостоловски 070/ 864- 555

Потребни документи:
– Пасош или лична карта
– Планинарска книшка со платена чланарина за 2019 година
– Патничко осигурување
* Во Црна Гора официјална валута е ЕВРО

Напомени:
– Акцијата е предвидена само за искусни планинари кои имале досегашно искуство за движење по карпест и изложен терен.
– Сите учесници на акцијата треба да се добро психофизички подготвени, да бидат во добра здравствена состојба и да бидат подготвени за импровизација на терен.
– Во случај на неповолни временски услови акцијата навреме ќе биде откажана
– Учесниците во акцијата се должни да ги почитуваат насоките на водичите. Во спротивно самите се одговорни за несаканите последици.
– Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки, не ја поседуваат соодветната планинарска опрема и не ги почитуваат насоките на водичите.
– Водичите го заддржуваат правото на промена на условите на објавената акција согласно условите на теренот.

Зимски камп на Церипашина

Зимски камп на Церипашина

Втора година по ред, на исто место, во исто време. Ќе стане ли традиција? Останува да видиме, барем така се зарековме.

Оваа година имаше голем интерес и најава за повеќе учесници ама на крај испадна да бидеме само седум со три шатори (Мони, Маја, Ели, Миленка, Рики, Јоцо и јас. Во план ни беше изградба на игло и правење бивак во снег но, ниту за едното ниту за другото имаше снег каков што треба, па ја реализиравме утешната бекап варијантата со поставување на шатори.

Утрото на 12.01.2019 година, во 7 часот тргнавме од Скопје, не брзајќи никаде, во 8:30 стигнуваме на Попова Шапка, паркираме. Јас одам во полициската станица да ја пријавам акцијата и учесниците, останатите одат во војното на кафе/чај… релаксирано. (more…)

ЕЛБРУС 2017 (27.06.2017)

ЕЛБРУС 2017 (27.06.2017)

Елбрус, ДА Елбрус со своите 5642мнв е највисок во Европа. Политиката нека си остане во подножјето и нека не го нарушува раатот на нас вљубениците во планината!

Водени од желбата да се најдеме на покривот на Европа и да видиме до кај ни се можностите, 22-ца oбединети под водство на  Пача – Зоран Павлович се упативме кон суровата Русија во правец на западниот дел на планинскиот венец Кавказ каде гордо исправен се наоѓа заспаниот вуклан Елбрус. (more…)

25 август – 3 септември 2017 К О Р Ч У Л А

51

Традиционална акција на ПСД Макпетрол во соработка со ТА Еx – travel од Прилеп. Ја објавуваме порано заради неопходното планирање на годишен одмор и навремено обезбедување на сместување и превоз.

Оваа година е достапна и за родители со школски деца. Децата до 10г имаат 50% попуст за ноќевањето.

Островот КОРЧУЛА (Corcyra Nigra) припаѓа на Дубровачко – Неретванската жупанија, има површина од 279 км2, должина 47км, ширина 5,3 – 7,8км. Има 16.000 жители. Највисоки брда се Клупча 568м и Ком 508м. Корчула е шести по големина Јадрански остров. Климата е блага медитеранска со просечни температури во јануари 9,8оС и во јули 26,9оС. Островот е прекриен со медитеранска флора и понекаде со шума од борови. Едно од најразвиените полиња е Блатско поле кое е и најголемо.

Островот е поврзан со траекти со Оребиќ на полуостровот Пељешац и со Ублим на островот Ластово а на лето и со други градови и со Италија.

52  53

Траект на Јадролинија.                                                              Градот Корчула.

Најголеми населени места се главниот град Корчула, Блато и Вела Лука. Во градот Корчула постои куќата во која е роден Марко Поло. Според легендата Тројанскиот јунак Антенор ја населил Корчула во 12 век пред Христа. Второ населување извршиле Илирите.

Корчула била освојувана од Дубровачката република, од Венеција, од Австрија, од Наполеон, била под Италијанска и Германска окупација. Од 1945г е во составот на Р. Хрватска.

П Р О Г Р А М А :

25 август 2017 (петок) – Во 20ч поаѓање од ж.станица – паркинг пред Пошта. Ноќно возење преку Призрен и Скадар до Будва по убав пат.

26 август 2017 (сабота) – Околу 7ч наутро пристигање во Будва. Пауза за одмор и разглед на Будва.

54

Во 11ч продолжување на патувањето  кон Корчула. Пристигање на Корчула – во Завалатица –  во раните попладневни часови. Сместувањето е во приватни куќи во првиот или вториот ред покрај морето во апартмани со кујна и спални соби. Кујните се опремени со сите потребни елементи и прибор. Ќе имаме 8 ноќевања.

3 септември 2017 (недела) – После доручекот заминување за Скопје. Попатно застанување за разглед на Дубровник. Пристигање во Скопје во доцните вечерни часови.

55

56

 

57

58

ЗАВАЛАТИЦА е мало, мирно место со околу 200 куќи сместено во залив. Воздухот има прекрасен мирис на море и борови. Има еден убаво снабден маркет и два ресторани. Секоја од куќите во првиот ред има сопствена плажа.

59  60

Водата е кристално чиста. Ова ќе биде наша шеста посета на Корчула. Се случувало да заврне по час-два три-четири дена по ред но водата останувала топла затоа што се работи за остров и големо количество на вода која споро се оладува.

На 10 минути од куќите се наоѓа извонредно убава плажа – ЖИТНА.

61

 

62 63 64

Тоа е плажа како од филмовите.

Над куќите има ограден терен за спортување. На 2км од Завалатица се наоѓа малото село Чара кое е поврзано со автобуска линија до градот Корчула или до Вела Лука. Во случај на потреба може да се користи и такси.

ЗА РИБАРИТЕ местото е рај! Можат да фаќаат риба по цел ден од плажите покрај брегот или со чамци на мештаните.

65

Тазе рипчиња. Колку убаво мирисаат!

ЗА ЗАБАВА имаме за користење убав дел од плажата кој ноќе е осветлен и опремен со голема маса и клупи. Идеално е за седенки кои ќе ги организираме навечер.

66

Еден од мештаните има чамец за 20 особи и со него може да се организира целодневна прошетка околу Корчула или посета на Ластово или Мљет. Во цената на нашиот аранжман е вклучена посета на Вела Лука, Корчула и Лумбарда. Можна е посета и на Хвар со доплата за траектот.

67

ЗА ПЛАНИНАРИТЕ еден ден ќе организираме искачување на врвот Св. Илија над Оребиќ кој е висок 960м. Искачувањето започнува од 0 мнв и потребни се околу 3,5часа пешачење до врвот. Глетката од врвот е величествена.

68Оребиќ и Св.Илија

69

Глетка од врвот Св.Илија

ДОМАЌИНИТЕ НА КУЌИТЕ имаат свои лозја и од грозјето прават извонредно квалитетно вино кое го продаваат по многу пристапна цена. Истото важи и за маслиново масло.

ЦЕНА НА АРАНЖМАНОТ –  200 евра. Цената опфаќа: превоз со автобус / минибус, износ потребен за превоз со траекти, 8 ноќевања, наведените прошетки по островот, организација на акцијата.

ПОТРЕБНИ ДОКУМЕНТИ  –  пасош, планинарска книшка со маркица за 2017г, патничко осигурување.

ПРИЈАВУВАЊЕ  –  до пополнување на превозното средство. Обавезна аконтација при пријавување 100евра.

ПРИЈАВИ – по mail: nikola.donovski@gmail.com / Goran.Nikoloski@telekom.mk  или на тел. 070 725-880, 070 200-506

ВОДИЧ – Никола Доновски