25 – 27 април 2019 БОТЕВ ВРВ 2376м.

По  повод 10  години  од  основањето  поканети  сме  од ПСК Балкан од Белград  да  земеме  учество  во  одбележувањето  на тој  јубилеј  со искачување  на  највисокиот  врв  на  Балкан планина  (Стара планина).

П Р О Г Р А М А :

25 април 2019 (четврток)  –  Во 21:00 часот поаѓање од жел.станица – паркинг пред Пошта 2. Ноќно возење со попатни паузи.

26 април 2019 (петок) –  Пристигање во Калофер околу 6 часот. Спојување со групата од Белград и поаѓање од месноста Паниците кон планинарскиот дом РАЈ на 1430м.н.в. Должина на патеката – околу 10км, пешачење  околу 4,5 часа.

Сместување во повеќекреветни  соби (со 5,7,10 кревети).  После  краток  одмор  доколку се погодни  временските  услови  може  да  се  продолжи искачувањето  до  Ботев  врв  2376м.  Пешачењето  до  врвот  е  2,5 – 3 часа.  Веднаш  позади  хижата  е  водопадот  РАЈСКО  ПРСКАЛО –  висок  124 метри.  Враќање  во  хижа  Рај. Во хижата може да се добие  храна. Ноќевање.

27 април 2019 (сабота)  –  Рано наутро  искачување  на Ботев  врв  доколку  тоа  не  е  направено  претходниот  ден.  Враќање  во  хижата  и  спуштање  во  Калофер  од  каде  заминуваме  кон  Скопје.

Доколку  искачувањето  е  направено  претходниот  ден  ќе  имаме  време  за  посета  на  градчето – музеј  Копривштица.  Линк:

https://www.youtube.com/watch?v=_f6ShTQhr3Q

ДОКОЛКУ  НЕКОЈ  САКА   МОЖЕ  ДА  ЈА  ПРОДОЛЖИ  ТУРАТА  СО  ПЛАНИНАРИТЕ  ОД  ПСК  БАЛКАН  ДО  ПОНЕДЕЛНИК !  Линк:

http://pkbalkan.org/10-vrhova-balkana-za-10-godina-balkana-25-do-29-4-2019/       

ПОТРЕБНА  ОПРЕМА  –  планинарска  зимска  опрема , пл. кондури, дерези,  гамашни,  кабаница  за  дожд,  шише  со  1,5л  вода,  храна  од  ранец  при  искачувањето.

ПОТРЕБНИ  ДОКУМЕНТИ  –  пасош, планинарска  книшка  со  маркица  за  2019 година,  патничко  осигурување.

ТРОШОК  –  60 – 70 евра ( за превоз  и  ноќевање,  зависно  од  големина  на  групата).

Н А П О М Е Н А  –  секој  учесник  во  акцијата  учествува  на  сопствена  одговорност.  Учесниците  се  должни  да  ги  почитуваат  наредбите  и  советите  на  водачите.  Во  случај  на  непредвидени  околности  кои  би  влијаеле  на  здравјето  или  безбедноста  на  учесниците  водачите  можат  да  ја  изменат  или  прекинат  акцијата.

П Р И Ј А В У В А Њ Е –  до  пополнување  на  местата  во  минибусот. Teл.: 070 725-880, e-mail: nikola.donovski@gmail.com.

В О Д А Ч И : Никола Доновски,  Миланка  Арсиќ  и  Горан  Савиќ  од  ПСК Балкан.

 

 

 

15 – 17 март 2019 М И Џ О Р 2169м.

Ова е тренинг-акција за искачување на Атлас, Дамаванд, Алпи…

Миџор е највисок врв во Србија -2169м. Се наоѓа на Стара Планина, на границата меѓу Србија и Бугарија.

ПРОГРАМА:

15 март 2019 (петок) – Во 14ч. поаѓање од жел.станица – паркинг пред Пошта 2.

– возење Скопје – Ниш – Сврљиг – Кална – Мездреја.

– сместување во објект “Конак” во Мездреја (убав, среден, пристоен објект).

– вечера, ноќевање.

16 март 2019 (сабота) –  Рано наутро станување и доручек.

– превоз до планинарски дом Бабин зуб на 1580м.н.в.

 – од планинарскиот дом пешачење према Жаркова чука и потоа над Бачилото  се излегува на граничниот гребен по кој се продолжува до врвот Миџор. Краток одмор и потоа враќање до пл. дом.

– враќање во Мездреја, вечера

– ноќевање.

17 март 2019 (недела) – Доручек и потоа превоз до ски – центарот Бабин зуб.

– искачување на стеновитиот врв Бабин зуб 1780м.н.в.

– враќање во Мездреја, земање на стварите и заминување кон Сврљиг

– фотографирање кај водопадот “Бигор”

– по желба ручек во ресторан “Kамионџије” во Сврљиг (извонредна скара).

– враќање преку Ниш за Скопје.

Оваа акција е со средна тежина. Се совладува околу 600м висинска разлика. Должина на патеката 15 км во двата правци, околу  6 часа пешачење.

Ски-центарот Бабин зуб дава можност и за скијање.

ПОТРЕБНИ ДОКУМЕНТИ:  лична карта или пасош, планинарска книшка со маркица за 2019 година, патничко осигурување.

ПОТРЕБНА ОПРЕМА:  топла зимска облека, капа, ракавици, гамашни, кабаница, дерези, штеки, цепин.

ТРОШКОВИ:  60 евра (за превоз и два полупансиона).

НАПОМЕНА:  секој учесник учествува на сопствена одговорност. Сите учесници се должни да ги почитуваат наредбите и советите на водачите. Водачот може да ја прекине акцијата доколку оцени дека временските неприлики може да се одразат на безбедноста на учесниците.

ПРИЈАВУВАЊЕ до пополнување на местата во минибусот.

ВОДАЧИ:  Никола Доновски, тел. 070 725-880, e-mail:  nikola.donovski@gmail.com

Миланка Арсиќ (ПСК Балкан од Белград)

Александар Мијатовиќ (ПСК Балкан од Белград)

 

 

 

6 – 7 aприл 2019 СОЛУНСКА ГЛАВА 2530м.

Традиционално искачување на крајот од зимата. Припрема за високогорските акции во текот на 2019 година – АТЛАС, ДАМАВАНД, АЛПИ… Потребна е солидна физичка подготвеност.

ПРОГРАМА:

6 април 2019 (сабота) – Во 7:30ч. поаѓање од жел.станица – паркинг пред Пошта 2. Превоз со минибус до рибникот во село Нежилово (700м.н.в.). Потоа пешачење до пл.дом Чеплес на 1450м. (5км – околу 2 часа пешачење). Сместување во повеќекреветни соби. Ноќевање.

7 април 2019 (недела) –  Рано наутро во 5:30ч поаѓање кон врвот Солунска глава 2530м.(7км. – околу  3,5 часа пешачење). Краток одмор на врвот и потоа враќање  во пл. дом Чеплес. Спуштање до с.Нежилово и заминување за Скопје.

ЦЕНА – 1200 ден.(за превоз и ноќевање).

ПОТРЕБНА ОПРЕМА – зимска планинарска, дерези, пл.стапови или цепин.

ХРАНА – од ранец, 1,5л вода.

ПЛАНИНАРСКА КНИШКА со маркица за 2019г.

ПРИЈАВУВАЊЕ И УПЛАТА – до пополнување на местата во превозното средство.

НАПОМЕНА:  секој учесник во акцијата учествува на сопствена одговорност. Сите учесници се должни да ги почитуваат наредбите и советите на водачот. Во случај на силно невреме водачот може да ја откаже или прекине акцијата заради безбедност на учесниците.

ВОДАЧИ:  Никола Доновски ,  Миланка Арсиќ (од ПСК Балкан)

 

 

9 март 2019  БРЕЗОВИЦА – ПИРИБРЕГ 2522м

9 март 2019 БРЕЗОВИЦА – ПИРИБРЕГ 2522м

Акцијата ја започнавме според планот, времето не послужи и за околу час и половина бевме кај ски центарот Брезовица на 1740м.н.в. На 500м пред центарот моравме да платиме влез – по 1 евро на човек плус 2 евра за минибусот. Иако беше доста рано – 8.30 часот, затекнавме голем број паркирани возила. Тоа значеше доста голема посета. Снег има во изобилство, се разбира не беше пршич но сепак поволен и за скијање. Ние шестмина се упативме по патека внесена во GPS – затоа што досега не сме биле таму. (more…)

30 април – 5 мај 2019 ЧЕШКА (Крконоши, Адршпах, Мацоха)

Се приклучуваме на акцијата организирана од ПСК Балкан од Белград

Teplicko – Adrspaske scaly e најголема групација на лавиринтски стени во Европа. Адршпах е неверојатно интересно место. До средината на 18 век мештаните ги сметале стените за таинствено и страшно место. После еден голем пожар луѓе почнале да влегуваат меѓу стените и дури тогаш виделе какво богатство поседуваат. Првите туристи дошле во 1772 година и од тогаш местото е секојдневно посетено. Пешачките патеки минуваат низ високо издигнати стени со различни иблици: лик на Богородица, младенци, секира, жаба, индијанец, камила, панда, монарх.. Целата област е под шума  и уредена со клупи за одмор, добро обележена со илјадници скали, со водопад и со езерца. На некои места патеките се тесни и клаустофобични, негде се покриени со снег и лед.

П Р О Г Р А М А:

30 април 2019 (вторник) Во 20 часот поаѓање од Белград – од пред храмот Св. Сава.

1 мај 2019 (среда) – Ноќно возење. Преминување на границите. Пристигање во Скални млин. Разгледување на пештерата Пунква и пропаста Мацоха. Низ пештерата се вози со чамец.

Провалијата Мацоха е длабока 138м. Опкружена е со зеленило и има изглед на огромна отворена уста.

По завршување на разгледувањето возење до сместувањето. Ноќевање во Брно.

2 мај 2019 (четврток) – Наутро поаѓање кон местото Пец под Снешка. Искачување на Крконоши, врв Снешка 1602м

Крконоши – Дивовски планини, е планински венец на северната граница на Чешка со Полска. Границата се протега по самиот гребен. Големи области од овие планини се вклучени во национални паркови од обете страни на границата и заеднички чинат резерват под заштита на УНЕСКО.

Искачувањето и спуштањето траат околу 8 часа. Потоа доаѓање во смештајот. Ноќевање.

3 мај 2019 (петок) – Доручек. Превоз до Адршпах. Пешачење низ прекрасниот лавиринт од стени. Патеките се одлично средени и се долги 20км со 2000 скали. Потоа враќање во смештајот. Ноќевање.

4 мај 2019 (сабота)После доручекот поаѓање назад кон Белград. Пауза во убавиот град Оломуц.

Продолжување на патувањето преку Маџарска до Сегедин. Ноќевање во Сегедин.

5 мај 2019 (недела) – Во претпладневните часови поаѓање за Белград. Очекувано пристигање во Белград околу 18 часот.

ПОТРЕБНА ОПРЕМА: планинарски кондури, топла облека согласно временските прилики.

ТРОШОЦИ:  160 евра (од Белград до Белград). Трошоците опфаќаат: превоз, четири ноќевања, два доручека и осигурување.

ПОТРЕБНИ ДОКУМЕНТИ:  пасош, планинарска книшка со маркица за 2019 година, патничко осигурување.

ИНФОРМАЦИИ и ПРИЈАВУВАЊЕ:  тел. 070 725-880, mail: nikola.donovski@gmail.com  или на состанок на Клубот. Аконтација при пријавувањето 100 евра. Останатиот износ при поаѓање.

НАПОМЕНА:  секој учесник во акцијата учествува на сопствена одговорност. Од сите учесници се очекува добра психофизичка припременост. Учесниците се должни да ги почитуваат одлуките и советите на водачите. Програмата може да претрпи измени во случај на непредвидени или опасни околности.

ВОДАЧИ: Миланка Арсиќ од ПСК Балкан и Никола Доновски.