9 – 11 ноември 2019 БЕЛАСИЦА и МАЛЕШЕВИЈА

ПРОГРАМА:

9 ноември 2019 (сабота) Во 06 часот поаѓање од жел.станица – паркинг пред Пошта 2. Околу 8 часот пристигање во Струмица. Приклучување кон групата планинари од ПСК Балкан од Белград.

Посета на манастирите Вељуса и Водоча и водопадите во село Колешино и Смоларе. Од Смоларскиот водопад започнува искачување до планинарскиот дом Шарена чешма на 1276м.н.в. Пешачењето трае околу 2,5 часа. Ноќевање.

10 ноември 2019 (недела) –  Рано наутро поаѓање кон врвот Тумба на 1881м. Пешачењето до врвот трае околу 3 часа. Краток одмор на врвот и потоа враќање до пл.дом и спуштање до Смоларе.

Превоз од Струмица до Берово. Сместување во хотел на Беровско езеро. Ноќевање.

11 ноември 2019 (понеделник) – Станување рано наутро. Доручек или ланч пакет и превоз до излетничкото место Равна река. Отаму започнува искачување до врвот Ченгино кале 1747м и врвот Џами тепе 1803м. Враќање до Равна река и заминување за Скопје.

ПОТРЕБНА ОПРЕМА: топла планинарска облека прилагодена на временските прилики, планинарски кондури, капа, ракавици, храна од ранец, шише со 1,5л вода, стапчиња, по желба летна вреќа за спиење во пл.дом, планинарска книшка со маркица за 2019г.

ТРОШОЦИ:  3.000 ден. (за превоз, две ноќевања и два доручека).

НАПОМЕНА: секој учесник во акцијата учествува на сопствена одговорност. Од сите учесници се очекува добра психофизичка подготвеност и да ги почитуваат наредбите и советите на водачот. Водачот може да изврши промена на програмата во случај на непредвидени околности опасни по животот и здравјето на учесниците.

ПРИЈАВУВАЊЕ –  до 1 ноември 2019.

ВОДАЧ:  Никола Доновски, тел. 070 725-880 / mail: nikola.donovski@gmail.com

 

ИЗВЕШТАЈ : 2-4 август 2019  МУСАЛА и 7 РИЛСКИ ЕЗЕРА

ИЗВЕШТАЈ : 2-4 август 2019 МУСАЛА и 7 РИЛСКИ ЕЗЕРА

Август е месец на Рила планина. Најубаво време за посета на оваа планина со највисокиот врв на Балканот. Го искористивме продолжениот викенд за оваа акција. Во петокот – 2 август релаксирано допатувавме до Самоков, се сместивме во пристоен хотел и потоа продолживме до Боровец. Неколку часа поминавме во разгледување на овој убав хотелски комплекс кој изгледа сосема поинаку во летниот период. (more…)

14 jули 2019 ЈАБЛАНИЦА ( Црн камен 2.257м)

Еднодневна средно тешка планинарска акција. Почетна точка село Горна Белица (Струшко) 1450м.н.в. Крајна точка врв Црн Камен 2257м.н.в. Бисинска разлика околу 800м. Должина на патеката 16км. Пешачење најмалку 6 часа (во двата правци).

П Р О Г Р А М А:

14 јули 2019 (недела) – Во 05:30 часот поаѓање од Скопје, жел.станица – паркинг пред Пошта. Околу 08:30 часот пристигање во село Горна Белица, припрема за искачување и поаѓање на групата кон врвот. Околу 13 часот пристигање на врв. Одмор за фотографирање и освежување со храна. Потоа враќање по истата патека во село Горна Белица и заминување за Скопје. Пристигање во Скопје најдоцна до 21 часот.

ПОТРЕБНА ОПРЕМА – стандардна планинарска опрема прилагодена спрема временските прилики. Задолжително планинарски кондури. Храна од ранец, најмалку 1,5л вода. Планинарска книшка со маркица за 2019 година (не е важно од кое планинарско друштво, важно е да постои осигурување од несреќен случај на планина. Зачленувањето во ПСК Макпетрол изнесува 300 денари).

НАПОМЕНА – секој учесник учествува на сопствена одговорност и е обврзан да ги почитува наредбите и препораките на водачот. Во случај на неповолни временски прилики акцијата може да биде откажана или прекината.

ТРОШОЦИ – за превоз со минибус 800 денари. За реализација на акцијата се потребни минимум 8 учесници.

ПРИЈАВУВАЊЕ – на тел. 076 274 -742.

ВОДАЧ – Дарко Трајковски

 

ИЗВЕШТАЈ од акцијата  КОСЈЕРИЌ  2019

ИЗВЕШТАЈ од акцијата КОСЈЕРИЌ 2019

Тоа беше собир на планинари од Србија на кој беа поканети и клубови од соседните држави. Собирот се одржа во околината на Косјериќ од 14 – 16 јуни 2019 година.

Нашата екипа од 4 члена одлучи овој настан да го искористиме за попатно разгледување на една убава дестинација – Специјалниот природен резерват УВАЦ. Затоа тргнавме од Скопје во четвртокот во 15 часот и се упативме кон Косово. Брзо го поминавме Косово благодарејќи на одличниот новоизграден автопат од Генерал Јанковиќ до Приштина. Потоа продолживме преку Косовска Митровица до граничниот премин Рибариќе. На прекрасното езеро Газиводе ја направивме првата пауза во одличен ресторан јадејќи тазе пастрмка од нивниот мал рибник.

 

Потоа продолживме преку Нови Пазар до градчето Сјеница каде имавме резервирано ноќевање во една пристојна куќа со гостољубиви домаќини.

Утредента се упативме кон резерватот Увац. Тоа е многу впечатлива природа која ви ја доловуваме со многу слики.

Околу 14 часот завршивме со разгледувањето и се упативме кон Ужице и Косјериќ каде пристигнавме околу 18 часот. Организаторите, ПСК Балкан од Белград не пречекаа и не сместија во убава селска куќа наменета за туризам. Домаќините беа мошне гостољубиви и не нагостија тие два дена со убава домашна храна.

Саботата осамна со многу сонце. Околу 10.30часот манифестацијата беше отворена и тројца од нашата екипа се придруживме на колоната планинари со кои пешачевме околу 24км на потегот водопад Скакавац – Црни врх – Дивчибаре – Велики Козомор – водопад Скакавац. И покрај топлото време убаво се изнапешачевме и се вративме дури попладне околу 17часот.

Вечерта имаше убаво дружење со музика и игра до доцните вечерни часови.

Неделата беше ден предвиден за планинско трчање. Имаше 3 трки со различна должина на патеката. Учествуваа тркачи од многу клубови и доста се намачија заради топлото време. Попладне, после прогласувањето на победниците манифестацијата беше затворена.

Благодарност до организаторот заради одличната организација на манифестацијата.

2 – 4 август 2019 МУСАЛА и 7 РИЛСКИ ЕЗЕРА

Традиционална акција по повод “Деновите на Рила планина”.

ПРОГРАМА:

2 август 2019 (петок, Илинден) – Во 8часот поаѓање од жел.станица – паркинг пред Пошта. Околу 13часот пристигање во Самоков. Пријавување во хотелот каде ќе бидеме сместени. Слободно попладне за прошетка низ Боровец, менување пари и купување  билети за утрешното искачување со кабинките до Јастребец. Враќање во Самоков. Ноќевање.

3 август 2019 (сабота) – Во 7.30часот (по бугарско време) поаѓање за Боровец. Во 8.30часот со првите кабинки ќе се искачиме до Јастребец 2300м.н.в.

Отаму по изохипса пешачење околу 45 минути до планинарскиот дом Мусала на 2389м.н.в. Ова лето ќе биде во функција и новата хижа Мусала која е најголема и најубава во цела Бугарија.

Краток одмор за чај и сендвич и потоа искачување по летната патека кон врвот Мусала – највисок врв на Балканот со 2925м. На 2700м ќе направиме краток одмор во пл. дом Еверест.

 

Околу 13 часот пристигање на врвот. Кратокј одмор за фотографирање и чај. Потоа враќање по истата патека назад до жичарата и спуштање во Боровец. Враќање во Самоков. Ноќевање.

4 август 2019 (недела) – Во 6 часот поаѓање кон 7 Рилски Езера. Со превозното средство се стигнува до 1500м.н.в. а потоа се пешачи околу час и половина до хижа Рилски езера на 2135м.

Може да се искористи и жичара за искачување до пл.дом која започнува со работа во 9часот.

Краток одмор во пл.дом (има одличен ресторан со готвени јадења). Потоа искачување на платото и разгледување на сите 7 езера (Долно езеро на 2095м, Рибно езеро на 2184м, Трилистно езеро на 2216м, Езеро Близнак на 2243м, Езеро Бубрег на 2280м, Окото на 2440м и последно е Солзата на 2535м.).

Потребен е уште мал напор за искачување до гребенот на 2700м над езерата за да се долови фантастичен поглед на сите езера и да се дојде до камбаната на желбите која се наоѓа на околу 500м далечина.

Враќање по истата патека до превозното средство и заминување за Скопје. Пристигање во Скопје во вечерните часови.

НАПОМЕНА – Оваа акција е погодна за сите возрасни категории и за планинари почетници со пристојна кондиција. Секој учесник учествува на своја одговорност. Учесниците се должни да ги почитуваат советите и наредбите на водачот. Во случај на временски неприлики водачот може да ја измени програмата или да го откаже искачувањето до врвот.

ПОТРЕБНА ОПРЕМА – Стандардна планинарска прилагодена кон временските услови

ПОТРЕБНИ ДОКУМЕНТИ – Пасош, планинарска книшка со маркица за 2019година, патничко осигурување.

ТРОШОЦИ – 65 евра (за превоз и 2 ноќевања во хотел во Самоков).

Цени на билетите: за кабинките 15 лева повратен билет, за жичарата до Рилските езера 20 лева повратен билет.

ПРИЈАВУВАЊЕ и УПЛАТА – до 15 јули 2019година. Тел. 070 725-880. Mail: nikola.donovski@gmail.com

ВОДАЧИ – Никола Доновски и сите останати водачи во ПСК Макпетрол кои ќе бидат слободни во тој термин.