Најави за акции кои следат

6 – 9 април 2018 ВЕЛИГДЕНСКА ТУРА (Пелистер, Кајмакчалан, Галичица)

  ПРОГРАМА: 6 април 2018 (петок) – Во 04ч поаѓање од ж.станица – паркинг пред Пошта. Во 7ч започнуваме со искачување на Пелистер од местото Голема ливада по патот кон ловечката куќа и натаму до врвот. Должината на патеката е 14,3км во еден правец. Околу 12-13ч пристигање на врв. Краток одмор, обично добиваме чај од вработените во репетиторот. Во случај на невреме може и да се стоплиме внатре. Потоа враќање по истата патека до хотел Молика. Вечера, ноќевање. 7 април 2018 (сабота) – Доручек. Во 7ч поаѓање за Кајмакчалан од грчка страна. Околу 9.30ч пристигање во ски центарот Ворас на 2000м.н.в. Поаѓање кон врвот Кајмакчалан 2521м. Околу 13ч пристигање на врв, краток одмор  и потоа враќање назад до ски центарот. Поаѓање за Охрид, пристигање околу 19ч. Сместување во хотел. Ноќевање. 8 април 2018 (недела, ВЕЛИГДЕН) – Доручек. Во 10ч одиме на прошетка низ Охрид – посета на црквата Пресвета Богородица Перивлепта, Плаошник, Свети Канео – потоа низ центарот и враќање во хотелот. Попладневен одмор. Вечерта одиме на заедничка организирана вечера со музика. Ноќевање. 9 април 2018 (понеделник) – Доручек. Во 7ч поаѓање кон Галичица. Во 8ч започнуваме со искачување кон врвот Магаро 2254м. Пристигање околу 11ч на врв, краток одмор и потоа враќање до превозното средство. Спуштање во Св.Наум и кратка прошетка. Потоа заминување за Скопје.  НАПОМЕНА:  можно е да се бара од општинските власти плаќање за влез во националниот парк Галичица. СМЕСТУВАЊЕТО ВО ОХРИД – е во семеен хотел во соби со 2,3 или 4 кревети. Секоја соба има купатило. Во собите навечер ќе има греење. Хотелот е во населбата Рача на 2км од центарот на Охрид. ЦЕНА... read more

23 – 27 мај 2018 РАФТИНГ на ТАРА (врв Маглиќ, Вишеград, Мокра Гора, Златибор)

Рафтингот е јако адреналинско доживување. Неможе да се раскаже, треба да се доживее! Овој термин совршено се вклопи – нивото на Тара е високо, времето е убаво топло а четвртокот и петокот се неработни денови – Св.Кирил и Методиј и Духовден. ПРОГРАМА: 23 мај 2018 (среда) – Во 22ч поаѓање од ж.станица – паркинг пред Пошта. Ноќно возење Скопје – Призрен – Скадар – Подгорица со попатни потребни паузи. 24 мај 2018 (четврток) – Околу 7ч пристигање во Подгорица. Пауза за доручек и кафе и краток разглед на центарот и соборниот храм на Христовото воскресение. Потоа продолжување на патот до манастирот Острог или во Цетиње посета на мавзолејот на Његош. Околу 15ч пристигање во кампот “3 воденици” на река Тара. Ручек и сместување во етно-дрвени куќички. Во кампот има убав санитарен чвор и убав покриен ресторан. Храната е одлична!  Попладневен одмор. Вечера. Ноќевање. Преубави специјалитети! Преобилно! 25 мај 2018 (петок) – Доручек. Потоа припрема за рафтинг. Околу 11ч поаѓање узводно покрај река Тара до местото за почеток на рафтингот. Околу 12ч почеток на спуштањето по Тара.   Околу 15.30ч завршување на рафтингот, туширање и ручек. Попладневен одмор. Вечера и заедничко дружење покрај оган.Ноќевање. 26 мај 2018 (сабота) – Во 6ч поаѓање кон националниот парк Сутјеска и искачување на врвот Маглиќ 2386м. Тоа е извонредно убава природа, извонредно убава пешачка тура. Маглиќ е најубавиот врв на кој сум се искачил! Спуштањето од врвот води преку прекрасното Трновачко езеро и потоа до местото каде што не чекаат комбињата. Во попладневните часови пристигање во Кампот. Вечера и заедничко дружење. Ноќевање. 27 мај 2018 (недела) – Во 6.30ч доручек и потоа го напуштаме... read more

12 – 22 мај 2018 М А Р О К О – Висок Атлас (Jabal Toubkal 4167m)

ПСД Макпетрол заедно со ПСК Балкан од Белград организираат искачување на највисокиот врв на Мароко – Висок Атлас (Jabal Touibkal 4167m). Покрај искачувањето ќе ги посетиме градовите Маракеш, Рабат и Фес. Кралството Мароко е држава во северозападна Африка. Излегува на Средоземно море и Антлантски океан, а од Европа ја дели Гибралтарскиот мореуз. Самото име Мароко потекнува од името Маракеш (што на берберски јазик значи Божја земја). Берберите биле жители на ова подрачје уште од 2000 години пред Христа. Во седмиот век овде стигнале арапските освојувачи од исток и го донеле исламот. Во 1666г локалниот владетел од североисток Al-Rasid го освоил Фес и поголемиот дел од мароканската внатрешност и ја втемелил династијата Alavi која и ден денес владее со Мароко. Во 1912г. Мароко станал француски протекторат под формална управа на султанот. Северниот дел потпаднал под управа на Шпанија. Во 1956г. Мароко стана независна монархија. Со околу 33 милиони жители Мароко е по големина четврта арапска земја. Се зборува на арапски и берберски јазик. Населението е мешавина од разни групи а државна религија е исламот.  А Атлас е планински ланец во северозападна Африка кој во должина од 2300км се протега низ Мароко, Алжир и Тунис. Највисок врв на Атлас е Toubkal сo 4167м и се наоѓа во Мароко. Инаку името на овој масив потекнува од името на горостасот Атлас од грчката митологија кој на својот грб го држел небескиот свод. Планинскиот венец Атлас претставува климатска граница помеѓу влажната клима на северозападна Африка и екстремно сушната Сахара и истовремено граница меѓу евроазиската и афричката плоча кои од време на време се помрднуваат предизвикувалќи силни земјотреси. Планината е богата со руди на железо, олово,... read more

Извештаи од изминати акции

Тур де Словенија и Италија – планинска бајка по врвовите на Јулиските Алпи

Тур де Словенија и Италија – планинска бајка по врвовите на Јулиските Алпи

За Словенија е речено: „Кога Господ ја создал земјата и почнал да ги расфрла убавините насекаде по неа, неговата торба се скинала и сите богатства се истуриле на едно место, на ова парче земја.“ По шестдневното дишење со полни гради заедно со планината, не би можеле да се согласиме повеќе со таа карактеризација. Јулиските Алпи се поезија од планина. Од Скопје тргнавме седуммина во комбенцето на Outdoor Adventure, створено за авантури и убави екипи: Горан Николоски (водич и организатор), Стојан Хаџи-Јефтимов (помошник водич и поддршка за превоз), Ангелина Атанасова, Христијан Ивановски, Ивана Герчакова, Снежана Велјановска, Елена Ѓорѓиевска (јас), две лубеници, две гајби со праски и една со кајсии 😊 и полно комбенце со убаво расположение, со план да ги искачиме петте највисоки врвови на Јулиските Алпи (Мал и Голем Триглав, Монтаж, Шкрлатица и Мангарт), од 8-ми до 14-ти јули 2017. Пристигнавме во Словенија доцна навечер, па веднаш се фрливме на спиење во Тонкина куќа, на патот кон превојот Вршич, највисокиот превој во Словенија. Додека возевме по серпентините нагоре кон куќата, Горан ни објаснува дека овој пат бил всушност еден од најтешките сегменти на некогашната велосипедска „Трка низ Југославија“. Во раните утрински часови ја напуштивме куќата и со комбето се упативме кон Италија. Преку Тарвисио, стигнавме до долината во близина на скијачкиот центар Села Невеа, на платото наречено Altipiano del Montasio na 1450 м.н.в. каде започна нашето качување кон првиот врв од петте планирани на нашата тура – Jof di Montasio или Монтаж (2754 м.н.в.). Тргнавме со лабави мисли и малку несвесни за предизвикот што нè чека. Наместо тура од 3 часа, денот ни приреди изненадување кое ги стави на... read more
Кавказ 2017 година, Елбрус 5642 м. и Казбек 5047 м.

Кавказ 2017 година, Елбрус 5642 м. и Казбек 5047 м.

… За миг помислив дека емоциите, љубовта, желбата и потребата од планина се губат, се трошат како многу работи во животот, па ми се виде, уште додека траеше експедицијата на Кавказ, дека по ова нема да можам да помислам на планина, барем до крајот на месецот. Ама ете, на пат кон дома, сé уште со грчеви во нозете, со хроничен замор и ненаспаност, додека го чекам долго очекуваниот ручек во еден ресторан во Степантсминда во Грузија, замелушен од пријатните звуци на некои чудни етно инструменти на кои што свиреа група млади луѓе од Франција, во ретките моменти со ви-фи пристап дознавам за наредната клупска акција на Проклетије. Mоментално заборавам на сé што сум кажал и помислил до претходниот момент и, ете ме, по само едно деноноќие, по четврти пат, пак на Проклетије… Прекрасна тура, прекрасно друштво, едноставно не смееше да се пропушти, но за тоа потоа… Кавказ 2017, што да се каже, а да не се испушти нешто, и во исто време да се остане концизен, ненаметлив, интересен, информативен. Затоа, нека биде ова еден вид водич, полн со сите потребни информации и препораки за сите оние што сакаат за првпат да се упатат во тој правец. На 14 јули 2017 година, во организација на ПСД Макпетрол, во петок во претпладневните часови, петчлената екипа во состав: Елена Џекова, Ирина Дишовска, Дарко Вуловиќ, Тодор Ивановски и Петар Герасимов, четири членови на ПСД Макпетрол и еден член od ВАК Анапурна, тргнавме со прецизно зацртан план и одредено време на патување, пристигнување, претходно извршени резервации за попатни ноќевања, точно определен редослед на ноќевања во домовите, план за аклиматизација, предвидени денови за искачување на... read more
Пинд – Тимфи, Грција (26-28 август)

Пинд – Тимфи, Грција (26-28 август)

За мене убавината во планинарењето е во истражувањето – да се посетат нови места, да се најдат нови патеки, да се запознае и научи нешто ново. На Пинд бевме пред 5 години но ова место со својата посебност заслужува повторно да се посети. Минатиот пат останаа некои делови непосетени, така да имавме мотив зошто да дојдеме пак. И сега останаа некои места непосетени па можно е по некоја година пак да дојдеме да ги дооткриеме. За Пинд може да се прочита на Wikipedia или да се најдат информации од други извори. Накратко – тоа е планински масив на западниот дел од Грција и претставува продолжение на Динаридите, Проклетије и албанските планини. Пинд е составен од неколку планини – Тимфи, Цумерка, Лакмос, Какардица, Грамос… Ние го посетивме Тимфи – тоа е северо-западен Пинд.   Екипата брои 28 души – 26 со мини-бусот и двајца со сопствено восило. Поаѓаме од Скопје во петокот на полноќ. Ноќно возење – малку заморно но тоа е жртвата што ја правиме за да извлечеме максимум од овој продолжен викенд. Пристигаме во 9:30 во селото Микро Папиго. Малку подоцна од планот. Селото се наоѓа на околу 950 m надморска височина. Поаѓаме кон домот Астрака кој е на 1950 m. Планот да стигнеме до домот за 3 часа наскоро гледаме дека нема да се оствари. Не фати топлото време и движењето е потешко. Товарот од ранците дополнително го отежнува искачувањето. За среќа на неколку места има чешми и убаво направени одмаралишта па со неколку одмори се искачуваме до домот за околу 5 часа. Домот се наоѓа на прекрасно место, под врвот Астрака, на едно седленце. Може да... read more