Најави за акции кои следат

13 – 15 ЈУЛИ 2018 – КАРАНФИЛИ И ОЧЊАК, ПРОКЛЕТИЈЕ, ЦРНА ГОРА

13 јули, петок 15:00 – поаѓање од Скопје кон Црна Гора. Сместување во катун, долина Гребаја. 14 јули, сабота 05:00 – Искачување на Северен врв (2.460 м.) на Каранфили и на Очњак (2.185 м.). Висинска разлика: D+2.100 м. Искачување: 7 ч. Сместување во катун, долина Гребаја. 15 јули, недела 12:00 – Поаѓање кон Скопје  Опрема: Планинарски чизми, планинарски стапчиња Појас, дерези, цепин, шлем. Облека соодветна на времето. Напомена: Искачувањето на врвови на Проклетије е многу напорно и задолжителна е одлична физичка кондиција и употреба на техничката опрема. Пријавување до 10 јули: Горан Николоски, 070/200-506, goran.nikoloski@t.mk     Северен Врв, Каранфили    ... read more

10 јуни 2018 ЈАБЛАНИЦА (Црн врв 2258м)

  ПРОГРАМА: 10 јуни 2018 (недела) – Во 05ч. поаѓање од жел. Станица – паркинг пред Пошта 2. Превоз со минибус доколку има 8 заинтересирани по цена од 700 денари. Околу 8 часот пристигање во с.Горна Белица (1450м) и поаѓање кон врвот Црн камен 2258м. Денивелација околу 850м. Категорија на патеката – средно тешка. Време на искачување околу 3 часа, за спуштање  околу 2.5 часа. Потребна е добра психофизичка подготвеност. ПОТРЕБНА ОПРЕМА – пл. кондури, кабаница за дожд, стапчиња, облека според временските прилики. ХРАНА ОД РАНЕЦ – потребна вода 1.5л. ПРИЈАВУВАЊЕ – на редовниот состанок во среда 6 јуни 2018 во кафич БАРСЕЛОНА (кај бикот) или на тел. 076 274 742. ВОДИЧ – Дарко... read more

15-17 јуни 2018, Митикас, Скала и Сколио

Податоци за патеката: многу напорна и техничка тура, должина: 22 км. во двата правци, 2200 м. Д+. Се тргнува од месноста Горција, неколку километри пред Приониа. До 2000 мнв. се движиме во шума, се до планинарскиот дом Петроструга. Патеката продолжува уште малку низ разретчена иглолисна шума и излегува на сртот кој води до платото на музите каде има два планинарски домови. Од таму се оди по Зонариа, безбедна патека по изохипсата под Стефани се до кулоарот Луки од каде се искачува врвот Митикас 2917. Од Митикас враќањето ќе се изведе од јужната страна, преку Скала 2866 мнв. до вториот по височина врв на Олимп, Сколио 2912 мнв. Враќањето до Платото на музите ќе се изведе по Зонариа и назад повторно преку Петроструга до Горциа. Потребна е извонредна психофизичка подготвеност и искуство за движење по стрмен карпест терен и користење на техничка опрема. Турата не е за почетници. Организаторот има право да направи селекција на пријавените кандидати и да не им дозволи на недоволно подготвените да учествуваат на истата. Превоз и 2 ноќевања: во сопствена режија. Петок, 15.06.2018    Првата вечер ќе се спие во шатори на Платото на музите, кој сака може да спие во еден од домовите со претходо направена резервација. Сабота, 16.06.2018 искачување на Митикас, Скала и Сколио, враќање, ноќевање во камп Посејдон. Недела, 17.06.2018    Во попладневните часови поаѓање за Македонија. Време на поаѓање: 05:00 часот на бензинска пумпа на Макпетрол на излез од Скопје . Потребна опрема: планинарски стапчиња, обувки и облека според временската прогноза, појас, кацига, 2 гуртни 120 см., 3 карабињери и 1 прусик. Искачувањето на учесниците ќе биде обезбедено со јаже поставено на... read more

Извештаи од изминати акции

Бел Врв, Црна Чука

Бел Врв, Црна Чука

На 22.4.2018 временските услови на северните делови на Кораб беа повеќе од идеални – кристално чисто време, речиси без ветер, со утринска температура под нулата доволна за да го стврдне снегот кој се уште го имаше во големи количини, како и релативно топло време во остатокот од денот за да овозможи пријатно планинарење. Тие беа предуслов за успешно изведување на акцијата кон Бел Врв (2532 м.н.в.) и кон Црна Чука (2572 м.н.в.) во организација на Дарко Трајковски и Велимир Граоркоски. Останатите два услови беа исто така исполнети – одлична екипа од кондициски и ментално спремни учесници, како и успешното поминување на патот од Ајдарова Ливада до караулата Победа во услови кога на неколку места е оштетен од надојдените води и кој е причина зошто овие делови на Кораб се ретко посетени во овој период од годината. Акцијата започна малку пред 7.00 од мостот на реката Штировица кај Стрезимир, во првиот дел по патеката што води од долината на Штировица до некогашното бачилото под областа Ќуселија, а потоа речиси до крајот во најголем дел по снег. И покрај незгодниот терен, целата група успеа да се искачи на Бел Врв во 10.30, а потоа без никакви проблеми и на Црна Чука во 12.00. Враќањето заврши во 15.30 преку Нистровски Кораб и бачилото Беланџа после речиси 15 поминати километри. Во продолжение фотографии и... read more
НА КРАЈ НА СВЕТОТ

НА КРАЈ НА СВЕТОТ

„Каде бевте?“ „На крајот на светот“, им кажувавме на пријателите. „Where are you from?“ – не прашуваа патем. „From Macedonia“, им одговаравме. „Where is that?“ – се интересираа. „FIN DEL MONDO“, „На другиот крај на светот“ им објаснувавме со смеење. И навистина бевме крај на светот. Скопје – Солун – 5 часа. Солун – Истанбул – 1 час. Истанбул – Сао Паоло – 12 часа. Сао Паоло – Буенос Аирес – 2 часа. Буенос Аирес – Ушуаја – 4 часа. Побрзо ќе стигневме на друга планета. Во авионите јадевме, спиевме и се дружевме со луѓе од цел свет. Со студентка од Чешка која во Буенос Аирес ќе учи шпански јазик; со аргентинката Ноелиа која ни го откри танго клубот „La Viruta“ во Буенос Аирес каде што уживавме во тангото до рано наутро; со стујардот Енгин од Turkish Airlines чија баба била од Куманово, со бразилци кои во Истанбул пресадуваа коса. Во Патагонија се запознавме и со полјаците Ева и Јацек кои со возило шетаат низ светот; со стружанката Малидона која самата шеташе низ Патагонија; со германците Кристијан и Ева кои се качуваа на Фиц Рој; со Фредерик од Данска кој автостопираше и бараше хуманост низ светот; со Надав од Израел кој имаше направено перфектни фотографии од врвовите Торес дел Паине и со Џули од Австралија која беше на Антарктик. Но, најмногу ми се допадна што уште подобро се запознав со луѓето со кои тргнав во Патагонија. Со Лиле, Наташа, Климентина, Димитар и Валерјан. Такво дружење, смеење, пеење одамна немам видено на некоја тура. Патагонија е голема област во јужниот дел на Јужна Америка, многу ветровита, поделена меѓу Аргентина и... read more
Зимски камп, Церипашина, 13-14.01.2018

Зимски камп, Церипашина, 13-14.01.2018

Сабота 13,01,2018г, 6:00ч. зборно место бензиска Макпетрол на излез од Скопје… Учесници: Рики, Петар, Тоше, Маја, Јојо, Томе, Дејан, Симона, Ели Не паметам точно кој ден беше, но точно паметам дека идејата ноќ на Церипашина направи поп ап во една групна порака на месинџер. Веднаш започна прелистувањето на веб страните со метеролошки информации. Интересно…Ќе замрзнам, ама ќе одам да го доживеам замрзнувањето. На брзина се преслушавме, кој што има од опрема и прецизиравме детали. На Шапка (1780мнв.) бевме некаде околу 8,30ч. Чевли, дерези,скии,ранци… Кога ги намонтиравме ранците на грб сфативме дека се прилично тешки. Но, што е тука е, мора да се однесе. Тргнавме. Времето воопшто не беше нит ветувачко, нит идеално. Вееше снег, небото беше потполно затворено, магла… Набрзо го фативме ритамот на движење кое се повеќе личеше на каскање. Но нели, на долги релации темпото треба да е такво, па заклучокот беше дека е идеално. Имаше тазе наврнат снег, доволно за да треба да се разгазува. Правецот беше само угоре кон целта. Дуваше западно ветре, доволно за да ти ја заледи целата западна страна од телото. Си велев, “ах ова западново уво скроз ми замрзна”. Така окупирана од своите мисли,  после 2 ипол часа пешачење, пред мене се истопорија тарабите. Се насетува целта. И тогаш во пресрет се појавија четворица бордери, со кои за малку ќе се судревме поради густата магла. Се качиле со жичарата која повремено работи. Ете не. Церипашина 2400мнв, Шар Планина Столбовите на жичарата, како и куќичката беа налепени со снег, како немој несмасно да го нафрлил врз нив. Нашите придружници, двата шарпланинци кои не следеа цел пат,си го најдоа своето место. Едното  мирно... read more