Најави за акции кои следат

23 – 30 ЈУНИ 2018 – ФЕРАТИ ПО ЈУЛИСКИ АЛПИ И ДОЛОМИТИ

Ферати на Мангарт (2.679 м.) и Триглав (2.864 м.), Словенија. Ферата Мармолада, Пунта Пениа (3.342 м.) и Ферата Сентиеро Ивано Дибона, Кристалино Дампецо (3.008 м.), Италија. 23 јуни, сабота Македонија – Словенија. Сместување во планинарски дом, Словенија. 24 јуни, недела Ферата Словенечка насока – Мангарт (2.679 м.). Висинска разлика: D+700 м. Искачување: 3 ч. Сместување во планинарски дом, Словенија. 25 јуни, понеделник Праг – планинарски дом Кредарица – Мал Триглав (2.725 м.) – Триглав (2.864 м.). Висинска разлика: D+ 1900 м. Искачување: 7 часа. Сместување во планинарски дом, Словенија 26 јуни, вторник Слегување од Кредарица – долина Крма – возење до Малга Чиапела, Доломити, Италија. Сместување во Италија. 27 јуни, среда Ферата Мармолада – Пунта Пениа (3342 м). Висинска разлика: D+1250 м. Искачување 5 часа. 28 јуни, четврток Одмор,  посета на Болцано. 29 јуни, петок Кристалино Дампецо (3008 м.) – ферата Сентиеро Ивано Дибона. Висинска разлика: D+1200 м. Искачување 4 часа. 30 јуни, сабота Терме Чатеж. Пат до Скопје Опрема: Планинарски чизми, дерези. Појас, шлем, сет за ферата. Облека соодветна на времето. Напомена: Искачувањето на врвови на Јулијските Алпи и на Доломитите е многу напорно и задолжителна е одлична физичка кондиција и употреба на техничката опрема за самообезбедување. Пријавување до 18 јуни: Горан Николоски, 070/200-506, goran.nikoloski@t.mk  ... read more

25 – 28 АВГУСТ 2018 – ДОЛИНА ТЕТ (THETH), ПРОКЛЕТИЈЕ, АЛБАНИЈА

25 август, сабота 05:00 – поаѓање од Скопје кон Албанија. Сместување во долината Theth, Албанија. 26 август, недела 06:00 – Премин Валбона (1.900 м.), водопад Theth 27 август, понеделник 05:00 – Искачување на Маја Арапит (2.217 м.). Висинска разлика: 1.400 м. 28 август, вторник 06:00 – Скадар, езеро Комани, Македонија   Опрема: Планинарски чизми, планинарски стапчиња. Облека соодветна на времето. Напомена: Искачувањето на врвови на Проклетије е напорно и задолжителна е добра физичка кондиција. Пријавување до 6 август: Горан Николоски, 070/200-506, goran.nikoloski@t.mk   Долина Theth , врв Maja e Harapit   Водопад Theth   Комани Езеро... read more

1 – 5 АВГУСТ 2018 – ПЛАНИНАРЕЊЕ И КАЊОНИНГ НИЗ ЦРНА ГОРА

1 август, среда 15:00 – поаѓање од Скопје кон Црна Гора. Сместување во Жабљак. 2 август, четврток 06:00 – Искачување на Боботов Кук (2.522 м.). Висинска разлика: D+700 м. Искачување: 4 ч 3 август, петок 10:00 – Кањонинг, Кањон Невидио (времетраење 4 часа). Сместување во Котор. 4 август, сабота 09:00 – Ферата Котор. 14:00 – Мавзолеј на Петар Петровиќ Његош, Ловќен, Цетиње 5 август, недела 10:00 – Поаѓање кон Скопје преку Албанија.   Опрема: Планинарски чизми, планинарски стапчиња. Појас, шлем, сет за ферата. Облека соодветна на времето. Напомена: Искачувањето на врвови на Дурмитор и на ферати е многу напорно и задолжителна е одлична физичка кондиција и употреба на техничката опрема. Пријавување до 20 јули: Горан Николоски, 070/200-506, goran.nikoloski@t.mk   Дурмитор   Кањон Невидио   Котор   Мавзолеј на Ловќен... read more

Извештаи од изминати акции

Цопузи, Голем Крчин, Турен Камен

Цопузи, Голем Крчин, Турен Камен

Во утринските часови на 20 мај, платото пред некогашната караула (сега реконструирана како Бигорски Скит “Свв. Кирил и Методиј”) над селото Битуше беше почетна точка за искачување на Голем Крчин за педесетина планинари во организација на неколку планинарски друштва. За голем дел од нив ова беше една од ретките можности да се посетат прекрасни предели движејќи се по солидно обележани патеки. Од друга страна пак, поголемиот дел од учесниците од групата организирана од старана на ПСД Макпетрол, добија и многу повеќе – прекрасни водопади, извори, карпи, езерца, шума и терен по кој речиси и да не стапнала човека нога. Првата цел за тој ден беа прекрасните крчински водопади познати како Цопузи, кои најдобро можат да се доживеат во овој период од годината кога се топи снегот на потегот северозападно од Голема Краста (2118 м.н.в.). Дотаму се стига по половина час (вкупно час и пол од стартот пред скитот) напуштајќи ја главната патека што води до Голем Крчин кај ливадата и одејќи по стрмно беспатје во насока на северниот дел на карпата. Втората цел, врвот Голем Крчин беше исто така искачен на помалку вообичаен начин, од северната страна, при што повторно во најголем дел групата се движеше по стрмен терен, на неколкупати „пресечен“ од лавини, во долниот дел со густа вегетација, а погоре со снег. По искачувањето на врвот (2 часа сметајќи од под водопадите), оние кај кои се почувствува поголем замор се вратија преку главната патека, додека другите продолжија кон третата цел за тој ден – Турен Камен –  поминувајќи питоми тревнати предели со снег, езерца и потоци и по 3-3.5 часа се вратија преку одлично обележаната патека што... read more
ЗИМСКА ШКОЛА 2018 ПСД МАКПЕРТОЛ

ЗИМСКА ШКОЛА 2018 ПСД МАКПЕРТОЛ

На 14 јануари 2018 година, на Попова Шапка, беше одржана третата по ред Зимска Школа на планинарско спортското друштво Макпетрол од Скопје. 60-тина учесници, од целосни почетници, до искусни планинари, учествуваа во практичната примена на зимската техничка опрема и техниката на движење во зимски услови под надзор на регистрираните планинарски водичи: Никола Доновски, Стојан Хаџијевтимов, Петар Герасимов, Марјан Милановски, Деан Ивановски, Владимир Трповски и Горан Николоски. Учесниците на Зимската школа користеа своја техничка планинарска опрема, но, и техничка планинарска опрема обезбедена од ПСД Макпетрол: дерези, цепини, шлемови, појаси, јажиња, карабинери, дрезги. Во првиот дел од Школата, на падината во близина на хотелот „Бора“ на Попова Шапка, на учесниците им беа покажани: движење по снег и употреба на планинарски стапчиња, употреба на дерези, употреба на цепин, движење со дрезги, изработка на снежен профил. Секој од учесниците повеќепати го проба покажаното. Во попладневниот дел од Школата учесниците вежбаа движење во наврска по стрмен терен и спречување на падови со цепин. Напишал: Горан Николоски Фотографии: од учесниците.      ... read more
КОМОВИ (20 – 23 октомври, 2017)

КОМОВИ (20 – 23 октомври, 2017)

Црна Гора има неколку планински масиви со врвови над 2.400 метри; Проклетије, Дурмитор и Комови. Масивот Комови се наоѓа во југоисточниот дел на Црна Гора, опкружен со планината Беласица, со Кучките планини и со Проклетије. Највисоките врвови на масивот Комови се Кучки Ком (2.487 м.), Среден Ком (2.483 м.), Љеворечки Ком (2.496 м.) и Васојевачки Ком (2.461 м.). Најкратко (околу 2 до 2:30 часа од еко катунот Штавна) е искачувањето на Васојевачки Ком (2.461 м.). Подолго (до 4 часа) и понапорно е искачувањето на Љеворечки Ком (2.496 м.), а најнапорно и најдолго (4 часа) е искачувањето на Кучки Ком (2.487 м.). Среден Ком (2.483 м.) е за 4 метри понизок од Кучки Ком и е поврзан со него со опасен гребен. Од Скопје до висорамнината Штавна во Црна Гора се стигнува преку Косово (Приштина и Пеќ) – Рожаје – Беране – скршнување пред Андријевица кон превојот Трешњевик (1.570 м.) и потоа уште 4 км до еко катунот Штавна на 1.787 м., во вкупна должина од околу 270 км во еден правец. Еко катунот Штавна е комплекс од 10 современи куќички (со по 5, односно, со 6 кревети, кујна, бања), ресторан и прекрасен поглед кон врвовите на Комови.   Кучки Ком Од еко катунот Штавна води обележана патека до раскрсницата каде што планинарските патоказите ги покажуваат насоките на патеките кон врвовите. Патеката кон Кучки Ком води преку сипар и зимзелена шума до Челото на Меѓукомље и до превојот Меѓукомље. Меѓу Кучки и Васојевачки Ком се наоѓа цирк, пространа камена долина во која некогаш имало глечер. До врвот Кучки Ком успонот е тежок и на места, опасен. Дел од обележаната патека... read more