Најави за акции кои следат

АЛПИ 2018

Во склоп на експедицијата „Алпи 2018“ предвидени се искачувања на 3 планини (Јулијски Алпи, Гран Парадисо и Монте Роса) и 6 врвови и тоа: Триглав (2864 м.), Гран Парадисо (4061 м.), Цумштаин (4563 м.), Сигналкуп (4554 м.), Винсент Пирамид (4215 м.) и Балменхорн (4167 м.)   ПРОГРАМА 07.2018 (Петок) Поаѓање 00:30ч. Поаѓање во раните утрински часови, патување преку Белград, Загреб, Љубљана (со попатни паузи) и пристигнување во Мојстрана во попладневните часови17:00ч. Сместување во подножјето на Триглав во Аљажева куќа(планинарски дом), ноќевање. 07.2018 (Сабота) Станување утрото во 06:00ч., доручек подготовки и тргнување кон Кредарица во 07:00ч. Предвидено е искачување по Томашкова пот (via ferrata) 11:00ч., сместување во Кредарица, мала пауза до 12:00ч. и искачување на Триглав (2864 мнв.) околу 14:00ч. Симнување до Кредарица16:00ч. Ноќевање. 07.2018 (Недела) Станување во 05:00ч. доручек, пакување и тргнување во 06:00ч. кон Аљажева куќа. Пристигнување во 09:30ч. во Аљажева куќа, пакување и тргнување во 10:00ч. кон Pont (Гран Парадисо национален парк). Пристигнување во Pont во 18:00ч. Сместување во бунгалови. Ноќевање 07.2018 (Понеделник) Станување во 07:00ч. доручек, пакување на опремата. Поаѓање во 09:00ч. кон Vittorio EmanueleII Hut. Пристигнување во 12:00ч. во домот сместување прошетка (аклиматизација) и ноќевање. 07.2018 (Вторник) Станување во утринските часови 02.00ч. доручек, подготовки и поаѓање во 03:00ч кон врв (4061 мнв.). Предвидено искачување на врв е 12:00ч. мала пауза фотографирање на групата и симнување кон Vittorio Emanuele II Hut, мала пауза и продолжување со симнувањето до Pont, пристигнување до 19:00ч. Ноќевање. 08.2018 (Среда) Станување во 06:00ч. доручек, препакување на опремата и поаѓање во 08:00ч. кон Staffal, по извозени 150км. Предвидено е пристигнување во 11:00ч. вадење на карти за жичара и поаѓање кон Punta Indren,... read more

12 – 22 јули 2018 КОРЗИКА (Монте Чинто 2706м)

                     Планинарење, капење и посета на неколку градови Корзика е медитерански остров кој и припага на Франција. Се наога западно од Италија, југоисточно од Франција и северно од италијанскиот остров Сардинија Планините зафакаат една третина од островот формирајки еден планински ланец. Корзика има околу 1000км обала и повеке од 200 плажи. Генерално тоа е планински остров со највисок врв Монте Чинто 2706м и уште околу 20 врвови над 2000м. ПРОГРАМА: 11  јули  2018  (среда) – Во 24.00ч поагање од Скопје со автобус на Фудекс до Белград. 12 јули 2018 (четврток) – Поагање од Белград во 06.30ч од пред храмот Св.Сава (Скерличева улица). Во попладневните часови пристигање во Нова Горица. Сместување. Нокевање. 13  јули  2018  (петок)  –  Продолжување на патот до Болоња. Обиколка на културно историски знаменитости. Болоња има најголем во потполност сочуван стар град во Италија. Стариот дел на Болоња е препознатлив по бројните средновековни високи и криви кули и плочници во вид на арки долж поголемите улици (вкупна должина околу 45км!). Градот има неколку плоштади со многубројни цркви, палати, кули, споменици и фонтани. Најпознати градби и туристички објекти во Болоња се: Кулите АЗИНЕЛИ и ГАРИСЕНДА се два главни симболи на Болоња изградени во 12 век. Азинели е висок 97м, накривен е околу 1м од оската, има скоро 500 скали и дозволено е искачување до врвот. Гарисенда е висок 47м но затворен е за посета бидејки е накривен повеке од 3 метри. Големиот плоштад е огромен плоштад кој се наога во самото средиште на Болоња опкружен со монументални градби како што се Катедралата Св.Петронија, Градската куќа, Аркадата Банки и Палатата... read more

15 – 18 фебруари 2018 БАНСКО (скијање, планинарење)

    Заеднички продолжен викенд за скијање и планинарење со ПСК Балкан од Белград. ПРОГРАМА: 15 фебруари 2018 (четврток) – Во 06ч поаѓање од ж.станица – паркинг пред Пошта. Пристигање во Банско, сместување во хотел ВИХРЕН (хотел со 3 ѕвезди, во централното градско подрачје, на 400м од жичарата). Сместување во соби со 2 или 3 кревети. Скијачите може да скијаат а за планинарите пешачење до Бандеришка пољана. Ноќевање. 16 фебруари 2018 (петок) – Доручек и потоа скијачите на скијање. За планинарите: – ГРУПА  А – станување во 5 часот,земање ланч пакет и со минибусот  превоз до ШИЛИГАРНИК 1820м. Од таму по ски патеката искачување кон врвот ТОДОРКА  2746м. Враќање по истата патека и околу 16ч враќање во хотелот. За искачување потребна е опрема – дерези и цепин. – ГРУПА  Б – пешачење по ски патеката под жичарата (има околу 9км до крајот на жичарата). – ГРУПА  В  –  Доколку има некој кој сака да се бања тоа може да го направи во затворен базен во некој од хотелите. Навечер заедничко дружење. Ноќевање. 17 фебруари 2018 (сабота) – Доручек. Скијачите на скијање. Останатите можеме да ја посетиме Бања каде има базен со топла минерална вода. Навечер заедничко дружење. Ноќевање. 18 фебруари 2018 (недела) – скијачите на скијање. За планинарите прошетка до планинарскиот дом Вихрен или слободно претпладне. Скијачите треба до 15.30ч да дојдат во хотелот. Во 16ч заминување за Скопје. ЦЕНА – 100 евра (за превоз, 3 ноќевања со доручек и осигурување). ПОТРЕБНИ ДОКУМЕНТИ – пасош. ПОТРЕБНА ОПРЕМА ЗА ПЛАНИНАРЕЊЕ – зимска планинарска опрема за високогорско искачување, дерези, цепин, челна лампа. За капење  во базен купачи гаки / костум за... read more

Извештаи од изминати акции

Зимски камп, Церипашина, 13-14.01.2018

Зимски камп, Церипашина, 13-14.01.2018

Сабота 13,01,2018г, 6:00ч. зборно место бензиска Макпетрол на излез од Скопје… Учесници: Рики, Петар, Тоше, Маја, Јојо, Томе, Дејан, Симона, Ели Не паметам точно кој ден беше, но точно паметам дека идејата ноќ на Церипашина направи поп ап во една групна порака на месинџер. Веднаш започна прелистувањето на веб страните со метеролошки информации. Интересно…Ќе замрзнам, ама ќе одам да го доживеам замрзнувањето. На брзина се преслушавме, кој што има од опрема и прецизиравме детали. На Шапка (1780мнв.) бевме некаде околу 8,30ч. Чевли, дерези,скии,ранци… Кога ги намонтиравме ранците на грб сфативме дека се прилично тешки. Но, што е тука е, мора да се однесе. Тргнавме. Времето воопшто не беше нит ветувачко, нит идеално. Вееше снег, небото беше потполно затворено, магла… Набрзо го фативме ритамот на движење кое се повеќе личеше на каскање. Но нели, на долги релации темпото треба да е такво, па заклучокот беше дека е идеално. Имаше тазе наврнат снег, доволно за да треба да се разгазува. Правецот беше само угоре кон целта. Дуваше западно ветре, доволно за да ти ја заледи целата западна страна од телото. Си велев, “ах ова западново уво скроз ми замрзна”. Така окупирана од своите мисли,  после 2 ипол часа пешачење, пред мене се истопорија тарабите. Се насетува целта. И тогаш во пресрет се појавија четворица бордери, со кои за малку ќе се судревме поради густата магла. Се качиле со жичарата која повремено работи. Ете не. Церипашина 2400мнв, Шар Планина Столбовите на жичарата, како и куќичката беа налепени со снег, како немој несмасно да го нафрлил врз нив. Нашите придружници, двата шарпланинци кои не следеа цел пат,си го најдоа своето место. Едното  мирно... read more
ИЗВЕШТАЈ од акцијата ЉУБОТЕН 2017

ИЗВЕШТАЈ од акцијата ЉУБОТЕН 2017

Искачувањето на Љуботен во чест на 13 Ноември – денот на град Скопје оваа година беше јубилејно десето по ред откако званично започнавме да го промовираме и реализираме. Како и секоја година акцијата беше навреме објавена и отворена за учество на сите планинарски друштва и поединци. За жал временската прогноза претходните денови беше непогодна па затоа изостана помасовно присуство. Но, за среќа на учесниците временските прилики и во саботата и во неделата се покажаа одлични! Добрите луге ги следи добро време! Неделното утро беше сончево и без магла, со температура која беше и повисока во однос на просечната за овој период од годината. Автобусите со учесниците тргнаа од Скопје нешто после 6ч. и околу 7:30ч пристигнаа во Старо Село. Отаму во организирана колона учесниците предводени од планинарските водичи тргнаа кон планинарскиот дом Љуботен каде пристигнаа околу 9:30 – 10:00ч. На платото пред домот ги чекаше топол чај. После краткиот одмор колоната продолжи кон врвот Љуботен 2498м. На тој дел од патеката беа распоредени петмина планинарски водичи со радиостаници кои внимаваа искачувањето да тече во најдобар ред. На моменти падините ги покриваше магла, пред и на самиот врв имаше снег и дуваше засилен ветер но за цело време беше сончево и искачувањето се одвиваше нормално. Што се однесува до бројот на учесниците, по моја проценка ги имаше повеќе од 400. Дојдоа учесници од Скопје, Тетово, Куманово, Гевгелија, Велес, Врање, Белград… Врвот беше ,,затворен,, во 13:15ч и водичите започнаа со спуштање кон планинарскиот дом опоменувајќи ги оние кои сеуште се качуваа дека безбедноста налага да прекинат со качување и да се вратат во домот. На оние кои несакаа да послушаат им... read more
Пирин Треил 2017

Пирин Треил 2017

Пирин е наш… Или нивни… Чиј ли е? Преубав е. Сите си го сакаат за себе. Секој со различна цел, и од различни побуди. Но дали секој го заслужува, се прашувам? Кога сакаш нешто, даваш одредена жртва за тоа, треба и да го заслужиш. Кога бараш треба и да дадеш за возврат. Ако го сакаш треба и да го чуваш и негуваш. Трета година по ред во ова исто време ги поминувам овие педесетина километри и секој пат се трудам да сфатам како може на толкава дистанца, три дена трeкинг, да не видам ниту едно книвче, опушок, некаква амбалажа или било што, што би ми асоцирало на цивилизација. А луѓе безброј… И тоа во нормален викенд. Зачудувачки. Домови  скоро на секое езеро, а езера „рој“, и сите полни. Не може место да се најде. Патеки извонредно маркирани со видливи ознаки (летни, зимски), табли со информации, прекрасни шуми, ниту едно дрво исечено… … И така одиме по змиулестата патека која спојува две езера, беа тоа Окото и Рибното, чинам,  и некој рече: замислете на што би личела планинава кога би била во Македонија?!… Најискрено, не би можел ни да помислам, ниту пак сакам… Годинешнава замисла да се помине истата маршрута како неколку пати до сега не успеавме да ја реализираме, бидејќи не успеавме да резервираме места во првиот дом каде требаше да отседнеме првата ноќ. Како пари да делат по домовите… Веројатно така би искоментирал некој наш урбан каубој чии воздишки ги предизвикуваат убавините на Скопје 2014.  Хижа Јаворов, еден од најубавите домови во кои сум престојувал до сега, нешто како Мериот би рекол, на наше големо жалење беше преполн... read more