Во склоп на експедицијата „Алпи 2018“ предвидени се искачувања на 3 планини во период од 27 јули до 5 август (Јулијски Алпи, Гран Парадисо и Монте Роса) и 6 врвови и тоа: Триглав (2864 м.), Гран Парадисо (4061 м.), Цумштаин (4563 м.), Сигналкуп (4554 м.), Винсент Пирамид (4215 м.) и Балменхорн (4167 м.)

 

ПРОГРАМА

  • 27.07.2018 (Петок) Поаѓање 00:30ч.

Поаѓање во раните утрински часови, патување преку Белград, Загреб, Љубљана (со попатни паузи) и пристигнување во Мојстрана во попладневните часови17:00ч. Сместување во подножјето на Триглав во Аљажева куќа(планинарски дом), ноќевање.

  • 28.07.2018 (Сабота)

Станување утрото во 06:00ч., доручек подготовки и тргнување кон Кредарица во 07:00ч. Предвидено е искачување по Томашкова пот (via ferrata) 11:00ч., сместување во Кредарица, мала пауза до 12:00ч. и искачување на Триглав (2864 мнв.) околу 14:00ч. Симнување до Кредарица16:00ч. Ноќевање.

  • 29.07.2018 (Недела)

Станување во 05:00ч. доручек, пакување и тргнување во 06:00ч. кон Аљажева куќа. Пристигнување во 09:30ч. во Аљажева куќа, пакување и тргнување во 10:00ч. кон Pont (Гран Парадисо национален парк). Пристигнување во Pont во 18:00ч. Сместување во бунгалови. Ноќевање

  • 30.07.2018 (Понеделник)

Станување во 07:00ч. доручек, пакување на опремата. Поаѓање во 09:00ч. кон Vittorio EmanueleII Hut. Пристигнување во 12:00ч. во домот сместување прошетка (аклиматизација) и ноќевање.

  • 31.07.2018 (Вторник)

Станување во утринските часови 02.00ч. доручек, подготовки и поаѓање во 03:00ч кон врв (4061 мнв.). Предвидено искачување на врв е 12:00ч. мала пауза фотографирање на групата и симнување кон Vittorio Emanuele II Hut, мала пауза и продолжување со симнувањето до Pont, пристигнување до 19:00ч. Ноќевање.

  • 01.08.2018 (Среда)

Станување во 06:00ч. доручек, препакување на опремата и поаѓање во 08:00ч. кон Staffal, по извозени 150км. Предвидено е пристигнување во 11:00ч. вадење на карти за жичара и поаѓање кон Punta Indren, пристигнување во 12:00ч. и искачување до CapannaGnifetti во 15:30 ч. Сместување и ноќевање.

  • 02.08.2018 (Четврток)

Станување во 04:00ч. доручек, подготовки и  тргнување по патеката во 05:00ч. Предвидено е излеување на Zumstainspitze (4563 мнв.) околу 11:00ч., мала пауза од 10-15мин. и упатување кон Signalkoop (Margharita Hut 4554мнв). Предвидена пауза од 30 мин. Во 13:30ч. предвидено е тргнување кон CapannaGnifettiи пристигнување во 18:00ч. Ноќевање.

  • 03.08.2018 (Петок)- РЕЗЕРВЕН ДЕН –

Доколку временските услови ни дозволат реализирање на досегашната програма, резервниот ден би можеле да го искористиме, по желба на мнозинството (ќе гласаме) за следните варијанти:

План А – Станување во 04:00 ч. доручек, подготовки и  тргнување во 05:00 ч. Искачување на Vincente Pyramid во 09:00 ч. мала пауза од 10-15мин. и упатување кон Balmanhorn (12:00 ч.) Предвидена пауза од 30 мин. Во 13:30 ч. предвидено е тргнување кон Capanna Gnifettiи, пристигнување во 16:00 ч. Ноќевање.

План Б – Станување во 06:00 ч. доручек, подготовки и  тргнување во 09:00 ч. кон Indren, симнување со жичара до Staffal до 11:00 ч. Пакување на опремата и поаѓање кон Venice/ Milano/ Treste (за каде?… ќе одлучи мнозинството). Пристигнување во 16 ч., сместување во мотел, прошетка низ градот и ноќевање.

  • 04.08.2018 (Сабота)

План А –Станување во 06:00 ч. доручек, подготовки и  тргнување во 09:00 ч. кон Indren, симнување со жичара до Staffal до 11:00 ч. Пакување на опремата и поаѓање во 12:00 ч. кон Љубљана. Патување преку Загреб и Белград со попатни паузи, до Скопје.

План Б – Станување во 08:00 ч. доручек, прошетка низ градот. Пакување на опремата и поаѓање во 20:00 ч. кон Ljubljana. Патување преку Загреб и Белград со попатни паузи, до Скопје.

  • 05.08.2018 (Недела)

План А –Предвидено пристигнување во Скопје, во попладневните часови

План Б – Предвидено пристигнување во Скопје, во попладневните часови

 

ЦЕНА: 410 евра

 

Цената е формирана според реалните трошоци за: изнајмување комбе, гориво, патарини, спиење во домови, жичарници. во цената не е влезена исхраната. Организаторот зема за право да собере од кандидатите материјални средства во износ кој е неопходен  да се платат однапред (резервации за спиење и сл.).

Во случај на откажување средствата не се враќаат.

Пријавените кандидати пополнуваат пријава и потпишуваат изјава дека се согласуваат со условите наведени во истата, а  дополнително ќе добијат список на потребна опрема и план за изведување на кондициони и заеднички технички тренинзи.

Водачот на експедицијата има дискреционо право да ја смени програмата на самото место, доколку процени дека се нарушени безбедносните услови за реализирање на планираното .

 

Водач:

Петар Герасимов, тел. 070 330 765