5 мај 2018 МАТКА 2018

Федерацијата на Планинарски спортови на Република Македонија

Со гордост Ви го најавува големиот настан

ЕДУКАТИВНО – ХУМАНИТАРНО – ПЛАНИНАРСКА АКЦИЈА

МАТКА 2018

Сабота 05 Мај 2018

Почитувани медиуими,

Ни претставува особена чест и задоволство како најмасовна спортска организација кај нас, а во името на нашите членки, како Федерација на Планинарски спортови на Република Македонија да Ве информираме а воедно и запознаеме со првото издание на големата Едукативно – хуманитарно – планинарска акција Матка 2018 која ќе се одржи следната сабота – 05 мај пред Планинарскиот дом Матка!

Следната сабота (05 мај) од 10.00 до 16.00 земете ги децата, пријателите, екипата, друштвото и правец на Матка. Поканети сте сите вистински љубители на природата, планините, спортот и рекреацијата  на најубавиот кањон во Европа – Матка. Забавата, дружењето и спортувањето се целосно бесплатни! За Вас подготвивме интересни штандови, на кои ќе се запознаете со сите детали за планинарските клубови, како да станете член, кои се следните планинарски предизвици, како да бидете дел од нашата Федерација… Оваа планинарска акција, ќе биде традиционална и ќе се оддржува секоја година под мотото: сакај ја природата, љуби ја планината, едуцирај се и биди хуман! Оваа прва година како организатори на настанот се јавуваат едни од најстарите планинарски друштва од нашиот град, кој со децении едуцираат, анимираат и регрутираат нови млади вљубеници во природата и планинарските спортови, а тоа се: ПД Кораб – Скопје, ПСД Макпетрол – Скопје и ПК Шкупи – Скопје, а покрај нашите градски планинарски друштва, свое учество и поддршка ќе дадат и соседни пријателски клубови, кои воедно оваа година се и активни коорганизатори на големиот настан: ПД Козјак – Куманово и ПК Шари – Гостивар! Настанот е наменет за планинари – почетници, ученици и сите останати љубители на природата! Идејата е да се покажат и презентираат основните планинарски вештини, а  воедно и да се развијат хуманите чуства кај учесниците. Мотивот е дотолку поголем што со оваа акција уште еднаш ќе се сврти вниманието на Граѓаните на Град Скопје, колку е важна физичката активност, спортувањето, чувањето на планините, еколошката свест и крајно хуманоста на секој поединец во општеството! Ве повикуваме да ни се придружите во некоја од можностите и да бидете дел од Матка 2018!

Земете учество во една од двете планинарски тури на кои ќе ве дружат професионални планинари, кои заедно со сите  пријавени рекреативци ќе пешачат и ќе ги учат тајните на планината. Ќе има организирано две планинарски групи:

  • Група 1: Село Шишево – Манастир Св. Никола Шишевски – Кајакарски мост – Планинарски дом Матка
  • Група 2: Манастир Св. Богородица – Црква св. Спас – Планинарски дом Матка

Покрај пешачењето со професионални планинарски водичи, посетителите ќе можат да се запознаат со двете исклучително атрактивни планинарски патеки, основите на планинарењето, од професионалните планинари да слушнете кои се предизвиците на планина, што мора да се знае пред да се планинари, ќе се споделуваат искуства, ќе дознаете повеќе за флората и фауната, како и за тоа како може да се опстане во планина подолго време и во различни временски услови…  Наскоро ќе следуваат детали за начинот на пријавување, а ќе има и организирано бесплатни автобуси со кои граѓаните ќе можат да дојдат до местото на поаѓање за турите! Пред Планинарскиот дом Матка ќе има поставено Штандови на Планинарски клубови и Федерацијата на планинарски спортови, на кои ќе бидат делени и продавани мапи, компаси, книги за планинарење, планинарска опрема, проспекти за безбедност во планина, алатки… Средствата од продажбата ќе оди исклучиво во хуманитарни цели. За секој посетител е обезбедено бесплатно планинарско чајче и вода, а ќе се дели и ручек за планинари и посетители – традиционално планинарско гравче. Ќе бидат поставени и кутии за донации, а членовите на ФПСМ и на клубовите, кои ќе земат учество, ќе донираат храна, пари, обувки, облека, ќебиња исто така во хуманитарни цели. Црвениот крст за целото времетраење на настанот ќе организира крводарителска акција, на која ќе се дарува крв. Ќе присуствуваат десетици крводарители кои за оваа пригода ќе даруваат крв, во соработка со Центарот за трансфузиологија… Екипите на Црвениот крст на Град Скопје покрај крводарителската акција ќе организираат и неколку предавања и симулации како да се даде прва помош на планина! За најмладите ќе бидат организирани работилници со искусни предавачи и планинари кои низ игра и забава ќе им го доближат планинарењето и љубовта кон спортот на најмладите… Како се врзува јазол, како да се заштитиме од дожд или снег во природата, како најлесно да ја исушиме облеката, како да поставиме шатор во природа… за најуспешните дечиња од работилниците ќе следуваат и подароци од искусните планинари. Ја сакам Матка, го сакам Скопје – децата ќе цртаат свои цртежи на тема Планинарење, Скопје, Матка… истите цртежи ќе бидат симболично продавани на медонските компании и дел од учесниците а средствата повторно ќе бидат употребени во хуманитарни цели…

За нашите најмали и најмили планинарчиња ќе бидат тука и децата од Златно славејче, за малку повозрасните ќе има и ДЏ – сетови, стенд ап шоу и мнооогу изненадувања. Ве чекаме на првото издание на Едукативно – хуманитарно планинарската акција Матка 2018 во сабота 05 мај од 10.00 часот пред Планинарскиот дом Матка!

Детали за бесплатниот автобуски превоз:

Автобусите се обезбедени од ЈСП. Поаѓањето ќе биде од Транспортен центар во следните термини:

07:00  /  07:05  /  07:10  /  07:15  /07:20  /  07:25 часот

Попатни станици: 

– Автобуска станица кај пазар Буњаковец,

– Автобуска станица кај Т.Ц. Лептокарија  и

– Автобуска станица кај Бензинска пумпа на Макпетрол во Ѓорче Петров

Сите автобуси ќе бидат обележани на следниот начин:

ЗА  ПЛАНИНАРИ  МАТКА  2018

 

 

 

Спортски поздрав,

Федерација на Планинарски спортови на РМ

29 април, недела, ВЕЛИВАР 2373 мнв.

Податоци за патеката: тешка, должина 22.5 км. во еден правец. Висинска 1650 Д+. Движењето по патеката ќе се одвива по мешовит терен, горниот дел на патеката ќе биде со снежни јазици и снежни стреи. Временските услови се поволни за пешачење, во попладневните часови се очекуваат врнежи и грмотевици. Враќањето е по иста патека.

Потребна е добра психофизичка подготвеност и искуство за движење по стрмни и снежни терени.

Турата не е за почетници. Организаторот има право да направи селекција и да не им дозволи на недоволно подготвените да учествуваат на истата. Акцијата може да се откаже во зависност од временските услови или некои други фактори на теренот.

Превоз: со сопствени возила.

Почетна точка на поаѓање е од с. Жировница 950 мнв.
Време на поаѓање: 05:00часот, бензска пумпа Макпетрол Ѓ.Петров.

Потребна опрема: планинарски стапчиња, обувки и опрема според временската прогноза.

Храна и течности: од ранец.

Пријавување на телефон: 070 36 85 25
Водачи: Тодор Ивановски
Петар Герасимов

29 април 2018 врв ЛИСЕЦ 1527м (Осоговска планина)

ПРОГРАМА:

29 април 2018 (недела) – Поаѓање во 7ч од ж.станица – паркинг пред Пошта 2.  Превоз до с.Псача 537м.н.в. Отаму пешачење до врвот Лисец 1527м.н.в. Висинска разлика 990м. Дожина на патеката 12км. Категорија на патеката: средно тешка. Време на пешачење: искачување 3.5 часа, спуштање 3 часа.

ПОТРЕБНА ОПРЕМА – обична планинарска според временските услови.

ХРАНА ОД РАНЕЦ

ПРЕВОЗ – доколку има 8 заинтересирани со минибус по цена од 400ден. Во спротивно ќе се групираме со сопствени возила.

ПРИЈАВУВАЊЕ – до сабота наутро на тел. 076 274-742

ВОДИЧ – Дарко Трајковски

22 април, недела, ПЕСКОВИ 2651 м.

Податоци за патеката: Средно тешка, должина 5 км., 1150 м. Д+. Движењето ќе се одвива во отежнати услови во горните делови поради наноси од снег. Температурата ќе биде висока а тоа дополнително ќе го отежне движењето поради можно пропаѓање во мекиот снег. Ако има можност, во зависност од состојбата на снегот, временските услови и спремноста на групата, можно е продолжување до Езерски Врв уште 3 км., ќе се одлучи на самото место. Враќањето е по истата патека.

Потребна е добра психофизичка подготвеност и искуство за движење по стрмен снежен терен и користење на техничка опрема (дерези и цепин).

Турата не е за почетници. Организаторот има право да направи селекција на пријавените кандидати и да не им дозволи на недоволно подготвените да учествуваат на истата.

Превоз: со сопствени возила. Се оди од Превала, Косово. Потребен е зелен картон за возилото и задолжително носење лична карта за преку граница.

Време на поаѓање: 06:00 часот на бензинска пумпа на Макпетрол во Визбегово.

Потребна опрема: цепин, дерези, планинарски стапчиња, обувки и облека според временската прогноза.

Храна и течности: од ранец

Пријавување: тел. 070 330 765 или во порака на фејсбук

Водачи:

Петар Герасимов

Тодор Ивановски

 

 

 

 

 

23 – 27 мај 2018 РАФТИНГ на ТАРА (врв Маглиќ, Вишеград, Мокра Гора, Златибор)

2

Акција во соработка со Туристичката агенција ЕХ – Travel од Прилеп.

Рафтингот е јако адреналинско доживување. Неможе да се раскаже, треба да се доживее! Овој термин совршено се вклопи – нивото на Тара е високо, времето е убаво топло а четвртокот и петокот се неработни денови – Св.Кирил и Методиј и Духовден.

ПРОГРАМА:

1

23 мај 2018 (среда) – Во 22ч поаѓање од ж.станица – паркинг пред Пошта. Ноќно возење Скопје – Призрен – Скадар – Подгорица со попатни потребни паузи.

24 мај 2018 (четврток) – Околу 7ч пристигање во Подгорица. Пауза за доручек и кафе и краток разглед на центарот и соборниот храм на Христовото воскресение.

3

4

5

6

Потоа продолжување на патот до манастирот Острог или во Цетиње посета на мавзолејот на Његош. Околу 15ч пристигање во кампот “3 воденици” на река Тара. Ручек и сместување во етно-дрвени куќички. Во кампот има убав санитарен чвор и убав покриен ресторан. Храната е одлична!  Попладневен одмор. Вечера. Ноќевање.

7

8

9

10

Преубави специјалитети! Преобилно!

25 мај 2018 (петок) – Доручек. Потоа припрема за рафтинг. Околу 11ч поаѓање узводно покрај река Тара до местото за почеток на рафтингот. Околу 12ч почеток на спуштањето по Тара.

11

1213

 

14

Околу 15.30ч завршување на рафтингот, туширање и ручек. Попладневен одмор. Вечера и заедничко дружење покрај оган.Ноќевање.

26 мај 2018 (сабота) – Во 6ч поаѓање кон националниот парк Сутјеска и искачување на врвот Маглиќ 2386м.

15

16

17

18

19

20

21

Тоа е извонредно убава природа, извонредно убава пешачка тура. Маглиќ е најубавиот врв на кој сум се искачил! Спуштањето од врвот води преку прекрасното Трновачко езеро и потоа до местото каде што не чекаат комбињата. Во попладневните часови пристигање во Кампот. Вечера и заедничко дружење. Ноќевање.

27 мај 2018 (недела) – Во 6.30ч доручек и потоа го напуштаме кампот. Првобитниот предлог за посета на Сарајево не ќе може да се оствари затоа  што е временски предолга релација. Замена е следната релација:

33

34

35

36

 

ВИШЕГРАД – посета на Андриќев град, кратка пауза за кафе, туфакија или пијалок во убавото ресторанче покрај камениот мост, сликање на мостот на Дрина и потоа продолжување на патот.

37

38

МОКРА ГОРА – посета на Дрвен град на Кустурица.

ЗЛАТИБОР – пауза за ручек, прошетка низ пазарот и купување на кајмак.

Продолжување на патувањето кон Скопје. Пристигање во Скопје во доцните вечерни часови.

ЦЕНА – околу 180 евра (за превоз, 3 полни пансиони, рафтинг, осигурување за рафтингот, осигурување од несреќен случај на планина). Неможе да се предвиди дали цената на горивата ќе остане иста а со тоа е поврзана и цената за превоз. Затоа цената е вака формулирана.

ПОТРЕБНИ  ДОКУМЕНТИ – лична карта, пасош, планинарска книшка со маркица за 2018, патничко осигурување.

ПОТРЕБНА  ОПРЕМА – пл. кондури, стапчиња, кабаница за дожд, шише со 1,5л вода, челна лампа, облека според временските услови.

ПРИЈАВУВАЊЕ и УПЛАТА – до пополнување на местата во минибусот.

ВОДИЧ – Никола Доновски.  Тел. 070 725-880.

E-mail:  nikola.donovski@gmail.com

Кадиица и Лута

Еднодневна, релативно лесна акција на 31 март, на двата централни врвови на планината Бабуна – Кадиица (1430 м.н.в.) и Лута (1500 м.н.в.), од каде што се протега прекрасен поглед на Пелагонија.

Се поаѓа од селото Ораов Дол (500-550 м.н.в.) по обележана патека до изворишниот дел на реката Брезица. Оттаму, по не толку видлива патека (на одредени места воопшто и нема да се оди по патека) планирано е да се отиде прво на врвот Кадиица (времетраење на искачувањето од околу 2 часа), а потоа оние кои што сакаат можат да се искачат и на соседниот врв Лута кој е оддалечен половина час. Вкупната должина на патеката во двете насоки изнесува 13-14 км. Доколку има време, може да се посети и месноста Момин Вир.

За подетални информации за овие предели, погледнете ги претходните акции на планинарското друштво. Извештајот од 2015 година може да се види тука.

Тргнување од Скопје во 5.00 на бенизнската пумпа Макпетрол на источниот излез.

ПОТСЕТУВАЊЕ ЗА:

– облека – соодветна за движење во пролетни услови, без многу снег, но со променливо време;

– вода – добро е да се понесе барем 1 литар вода;

– цена – во договор со превозниците.

ПРИЈАВУВАЊЕ:

Велимир Граоркоски  071 564-458 / veljogr@yahoo.com