Најави за акции кои следат

6 – 9 април 2018 ВЕЛИГДЕНСКА ТУРА (Пелистер, Кајмакчалан, Галичица)

  ПРОГРАМА: 6 април 2018 (петок) – Во 04ч поаѓање од ж.станица – паркинг пред Пошта. Во 7ч започнуваме со искачување на Пелистер од местото Голема ливада по патот кон ловечката куќа и натаму до врвот. Должината на патеката е 14,3км во еден правец. Околу 12-13ч пристигање на врв. Краток одмор, обично добиваме чај од вработените во репетиторот. Во случај на невреме може и да се стоплиме внатре. Потоа враќање по истата патека до хотел Молика. Вечера, ноќевање. 7 април 2018 (сабота) – Доручек. Во 7ч поаѓање за Кајмакчалан од грчка страна. Околу 9.30ч пристигање во ски центарот Ворас на 2000м.н.в. Поаѓање кон врвот Кајмакчалан 2521м. Околу 13ч пристигање на врв, краток одмор  и потоа враќање назад до ски центарот. Поаѓање за Охрид, пристигање околу 19ч. Сместување во хотел. Ноќевање. 8 април 2018 (недела, ВЕЛИГДЕН) – Доручек. Во 10ч одиме на прошетка низ Охрид – посета на црквата Пресвета Богородица Перивлепта, Плаошник, Свети Канео – потоа низ центарот и враќање во хотелот. Попладневен одмор. Вечерта одиме на заедничка организирана вечера со музика. Ноќевање. 9 април 2018 (понеделник) – Доручек. Во 7ч поаѓање кон Галичица. Во 8ч започнуваме со искачување кон врвот Магаро 2254м. Пристигање околу 11ч на врв, краток одмор и потоа враќање до превозното средство. Спуштање во Св.Наум и кратка прошетка. Потоа заминување за Скопје.  НАПОМЕНА:  можно е да се бара од општинските власти плаќање за влез во националниот парк Галичица. СМЕСТУВАЊЕТО ВО ОХРИД – е во семеен хотел во соби со 2,3 или 4 кревети. Секоја соба има купатило. Во собите навечер ќе има греење. Хотелот е во населбата Рача на 2км од центарот на Охрид. ЦЕНА... read more

23 – 27 мај 2018 РАФТИНГ на ТАРА (врв Маглиќ, Вишеград, Мокра Гора, Златибор)

Рафтингот е јако адреналинско доживување. Неможе да се раскаже, треба да се доживее! Овој термин совршено се вклопи – нивото на Тара е високо, времето е убаво топло а четвртокот и петокот се неработни денови – Св.Кирил и Методиј и Духовден. ПРОГРАМА: 23 мај 2018 (среда) – Во 22ч поаѓање од ж.станица – паркинг пред Пошта. Ноќно возење Скопје – Призрен – Скадар – Подгорица со попатни потребни паузи. 24 мај 2018 (четврток) – Околу 7ч пристигање во Подгорица. Пауза за доручек и кафе и краток разглед на центарот и соборниот храм на Христовото воскресение. Потоа продолжување на патот до манастирот Острог или во Цетиње посета на мавзолејот на Његош. Околу 15ч пристигање во кампот “3 воденици” на река Тара. Ручек и сместување во етно-дрвени куќички. Во кампот има убав санитарен чвор и убав покриен ресторан. Храната е одлична!  Попладневен одмор. Вечера. Ноќевање. Преубави специјалитети! Преобилно! 25 мај 2018 (петок) – Доручек. Потоа припрема за рафтинг. Околу 11ч поаѓање узводно покрај река Тара до местото за почеток на рафтингот. Околу 12ч почеток на спуштањето по Тара.   Околу 15.30ч завршување на рафтингот, туширање и ручек. Попладневен одмор. Вечера и заедничко дружење покрај оган.Ноќевање. 26 мај 2018 (сабота) – Во 6ч поаѓање кон националниот парк Сутјеска и искачување на врвот Маглиќ 2386м. Тоа е извонредно убава природа, извонредно убава пешачка тура. Маглиќ е најубавиот врв на кој сум се искачил! Спуштањето од врвот води преку прекрасното Трновачко езеро и потоа до местото каде што не чекаат комбињата. Во попладневните часови пристигање во Кампот. Вечера и заедничко дружење. Ноќевање. 27 мај 2018 (недела) – Во 6.30ч доручек и потоа го напуштаме... read more

9 – 11 фебруари 2018 КОПАОНИК

Копаоник е елитен ски центар на Србија. Природата е извонредно убава а и инфраструктурата е на високо ниво. Питома планина, доволно снег, 25 жичари и две подвижни ленти, многу ресторани, хотели, два планинарски дома, гостољубив народ – сето тоа ветува убаво доживување. Во тоа сме се увериле многу пати. Линк: http://www.infokop.net/staze-i-zicare/zicare-i-staze-2.html     http://www.infokop.net/images/stories/cenovnici/2018/zima/cenovnik-ski-pass-kopaonik-2018.png?openInSafari=true ПРОГРАМА: 9 фебруари 2018 (петок) – Во 14ч поаѓање од ж.станица – паркинг пред Пошта. Околу 19ч пристигање на Копаоник (преку Косово). Сместување во приватна вила во соби со 2 или 3 кревети. Вилата е на 3км од центарот на Копаоник. Ноќевање. 10 фебруари 2018 (сабота) – Во 8ч одиме со превозот до центарот на Копаоник. Скијачите на скијање а за планинарите прошетка – искачување до Панчиќев врв 2014м (еден час пешачење) и прошетка по ски патеките. Потоа спуштање до централниот хотелски комплекс, посета на пазарот. Во 17ч целата група се враќа во вилата. Одмор и заедничко дружење. Ноќевање. По договор може да организираме заедничка вечера во близок ресторан. 11 фебруари 2018 (недела) – Во 8ч со стварите ја напуштаме вилата и одиме до центарот. Скијачите на скијање а за планинарите прошетка до другиот дел од ски центарот – кон релејот Гобеља и потоа посета на планинарскиот дом “Ртањ каде во атрактивен амбиент може да ручаме јадење зготвено во керамички лонец во жар од огромното огниште или пак прасечко од ражен. Во 17ч поаѓање за Скопје, пристигање околу 22ч. ЦЕНА – 75 евра (за превоз, две ноќевања и осигурање). ПОТРЕБНИ ДОКУМЕНТИ – лична карта И ПАСОШ! ПОТРЕБНА ОПРЕМА – топла зимска опрема ПРИЈАВУВАЊЕ и УПЛАТА – до пополнување на местата во минибусот, најдоцна до 20 јануари 2018.... read more

Извештаи од изминати акции

ИЗВЕШТАЈ од акцијата ЉУБОТЕН 2017

ИЗВЕШТАЈ од акцијата ЉУБОТЕН 2017

Искачувањето на Љуботен во чест на 13 Ноември – денот на град Скопје оваа година беше јубилејно десето по ред откако званично започнавме да го промовираме и реализираме. Како и секоја година акцијата беше навреме објавена и отворена за учество на сите планинарски друштва и поединци. За жал временската прогноза претходните денови беше непогодна па затоа изостана помасовно присуство. Но, за среќа на учесниците временските прилики и во саботата и во неделата се покажаа одлични! Добрите луге ги следи добро време! Неделното утро беше сончево и без магла, со температура која беше и повисока во однос на просечната за овој период од годината. Автобусите со учесниците тргнаа од Скопје нешто после 6ч. и околу 7:30ч пристигнаа во Старо Село. Отаму во организирана колона учесниците предводени од планинарските водичи тргнаа кон планинарскиот дом Љуботен каде пристигнаа околу 9:30 – 10:00ч. На платото пред домот ги чекаше топол чај. После краткиот одмор колоната продолжи кон врвот Љуботен 2498м. На тој дел од патеката беа распоредени петмина планинарски водичи со радиостаници кои внимаваа искачувањето да тече во најдобар ред. На моменти падините ги покриваше магла, пред и на самиот врв имаше снег и дуваше засилен ветер но за цело време беше сончево и искачувањето се одвиваше нормално. Што се однесува до бројот на учесниците, по моја проценка ги имаше повеќе од 400. Дојдоа учесници од Скопје, Тетово, Куманово, Гевгелија, Велес, Врање, Белград… Врвот беше ,,затворен,, во 13:15ч и водичите започнаа со спуштање кон планинарскиот дом опоменувајќи ги оние кои сеуште се качуваа дека безбедноста налага да прекинат со качување и да се вратат во домот. На оние кои несакаа да послушаат им... read more
Пирин Треил 2017

Пирин Треил 2017

Пирин е наш… Или нивни… Чиј ли е? Преубав е. Сите си го сакаат за себе. Секој со различна цел, и од различни побуди. Но дали секој го заслужува, се прашувам? Кога сакаш нешто, даваш одредена жртва за тоа, треба и да го заслужиш. Кога бараш треба и да дадеш за возврат. Ако го сакаш треба и да го чуваш и негуваш. Трета година по ред во ова исто време ги поминувам овие педесетина километри и секој пат се трудам да сфатам како може на толкава дистанца, три дена трeкинг, да не видам ниту едно книвче, опушок, некаква амбалажа или било што, што би ми асоцирало на цивилизација. А луѓе безброј… И тоа во нормален викенд. Зачудувачки. Домови  скоро на секое езеро, а езера „рој“, и сите полни. Не може место да се најде. Патеки извонредно маркирани со видливи ознаки (летни, зимски), табли со информации, прекрасни шуми, ниту едно дрво исечено… … И така одиме по змиулестата патека која спојува две езера, беа тоа Окото и Рибното, чинам,  и некој рече: замислете на што би личела планинава кога би била во Македонија?!… Најискрено, не би можел ни да помислам, ниту пак сакам… Годинешнава замисла да се помине истата маршрута како неколку пати до сега не успеавме да ја реализираме, бидејќи не успеавме да резервираме места во првиот дом каде требаше да отседнеме првата ноќ. Како пари да делат по домовите… Веројатно така би искоментирал некој наш урбан каубој чии воздишки ги предизвикуваат убавините на Скопје 2014.  Хижа Јаворов, еден од најубавите домови во кои сум престојувал до сега, нешто како Мериот би рекол, на наше големо жалење беше преполн... read more
Тур де Словенија и Италија – планинска бајка по врвовите на Јулиските Алпи

Тур де Словенија и Италија – планинска бајка по врвовите на Јулиските Алпи

За Словенија е речено: „Кога Господ ја создал земјата и почнал да ги расфрла убавините насекаде по неа, неговата торба се скинала и сите богатства се истуриле на едно место, на ова парче земја.“ По шестдневното дишење со полни гради заедно со планината, не би можеле да се согласиме повеќе со таа карактеризација. Јулиските Алпи се поезија од планина. Од Скопје тргнавме седуммина во комбенцето на Outdoor Adventure, створено за авантури и убави екипи: Горан Николоски (водич и организатор), Стојан Хаџи-Јефтимов (помошник водич и поддршка за превоз), Ангелина Атанасова, Христијан Ивановски, Ивана Герчакова, Снежана Велјановска, Елена Ѓорѓиевска (јас), две лубеници, две гајби со праски и една со кајсии 😊 и полно комбенце со убаво расположение, со план да ги искачиме петте највисоки врвови на Јулиските Алпи (Мал и Голем Триглав, Монтаж, Шкрлатица и Мангарт), од 8-ми до 14-ти јули 2017. Пристигнавме во Словенија доцна навечер, па веднаш се фрливме на спиење во Тонкина куќа, на патот кон превојот Вршич, највисокиот превој во Словенија. Додека возевме по серпентините нагоре кон куќата, Горан ни објаснува дека овој пат бил всушност еден од најтешките сегменти на некогашната велосипедска „Трка низ Југославија“. Во раните утрински часови ја напуштивме куќата и со комбето се упативме кон Италија. Преку Тарвисио, стигнавме до долината во близина на скијачкиот центар Села Невеа, на платото наречено Altipiano del Montasio na 1450 м.н.в. каде започна нашето качување кон првиот врв од петте планирани на нашата тура – Jof di Montasio или Монтаж (2754 м.н.в.). Тргнавме со лабави мисли и малку несвесни за предизвикот што нè чека. Наместо тура од 3 часа, денот ни приреди изненадување кое ги стави на... read more